معروف اداکارہ مایا علی نے عمرہ کی سعادت حاصل کر لی ہے، انہوں نے سوشل میڈیا پر عمرہ کرنے کے دوران کی تصاویر شئیر کی ہیں۔ ان تصاویر میں دیکھا جا سکتا ہے کہ اداکارہ اپنی فیملی کے ہمراہ ہیں اور انہوں نے ان کے ساتھ ہی عمرہ کیا ہے۔ مایا علی نے جب یہ تصاویر سوشل میڈیا پر شئیر کیں تو انہوں نے کیپشن یہ لکھا ”ہم لوگ کافی عرصہ سے اکٹھے عمرہ کے لئے کوششیں کررہے تھے اور اب اللہ تعالیٰ نے ہماری دعا سن لی ہے۔” اداکارہ نے جیسے ہی سوشل میڈیا پر یہ تصاویر جاری کیں تو ان کے مداحوں نے ان کو مبارکباد دی ، اور نیک تمنائوں کا اظہار کیا ان کے بہت سارے مداحوں نے ان کو دعائوں میں یاد رکھنے کا کہا۔
جبکہ ان کے ساتھی اداکاروں نے بھی ان کو مبارکباد دی اور کہا کہ آپ بہت خوش نصیب ہیں کہ” آپ کو خدا نے اپنے گھر بلایا ہے۔” مایا علی سے قبل بھی رواں برس بہت ساری شوبز سلیبرٹیز نے بھی عمرہ کی ادائیگی کی اور اپنی تصاویر سوشل میڈیا پر جاری کیں۔