کوئٹہ: ہرنائی میں مزدوروں کے کیمپ پر نامعلوم افراد کی فائرنگ،2 مزدور جاں بحق متعددزخمی

کوئٹہ کے علاقے ہرنائی کے نواح میں مزدوروں کے کیمپ پر نامعلوم افراد نے فائرنگ کردی۔

باغی ٹی وی : لیویز ذرائع کے مطابق فائرنگ سے چار مزدور جاں بحق ہوگئے جنہیں اسپتال منتقل کردیا گیا ہے کیمپ میں 16 کے قریب مزدور موجود تھے اس کے علاوہ حملہ آوروں نے مزدوروں کے کیمپ اور مشینری کو بھی آگ لگادی قانون نافذ کرنے والے اداروں کے اہلکار فائرنگ کی جگہ پہنچ گئے۔

سیکیورٹی فورسز کے مطابق حملے میں کیمپ کے 7 مزدور لاپتا بھی ہوئے ہیں مزدور ہرنائی کوئٹہ روڈ کی تعمیرانی کمپنی کےلیے کام کرتے تھے۔ حملے کے وقت کیمپ میں 16 مزدور موجود تھے۔ چھ مزدور محفوظ ہیں جب کہ لاپتا ہونے والے 7 مزدوروں کی تلاش شروع کر دی گئی ہے لیویز حکام کے مطابق حملے کے بعد سے مزدور لاپتہ ہیں جن کے اغوا کا خدشہ ہے۔ ڈپٹی کمشنر ہرنائی کے مطابق کیمپ چوکیدارکا کہنا ہے فائرنگ سے بچنے کیلئے باقی مزدور ادھر ادھر چھپ گئے ، لاپتہ مزدوروں کے بارے میں ابھی تک تصدیق نہیں ہوسکی کہ انہیں اغوا کیا گیا ہے

نوکری کا جھانسہ دیکر زیادتی کی کوشش، لڑکی نے عزت بچانے کیلئے تیزاب پی لیا

دوسری جانب وزیراعلیٰ بلوچستان عبدالقدوس بزنجو نے ہرنائی کے قریب مزدورں کے کیمپ پر حملے کی مذمت کرتے ہوئے واقعے کی رپورٹ طلب کرلی۔

انہوں نے اپنے بیان میں کہا کہ دہشت گردوں کے عزائم کبھی کامیاب نہیں ہوں گے اوروہ جلد قانون کی گرفت میں ہوں گے اس کے علاوہ وزیراعلیٰ بلوچستان نے زخمیوں کو بہترین طبی سہولیات فراہم کرنےکی ہدایت کی۔

خاتون نے جب ڈاکوؤں کو لوٹ مار کرنے سے روکا تو ڈاکوؤں نے ان پر تیزاب ہی پھینک ڈالا۔

مشیر داخلہ بلوچستان میرضیا اللہ لانگو نے ہرنائی میں مزدورں پر حملے کی مذمت کی ہے اورمشیر داخلہ بلوچستان میرضیا اللہ لانگونے واقعے کی رپورٹ طلب کرلی ،مشیر داخلہ کا کہنا تھا کہ دہشت گردوں نےمزدوروں پر حملہ کرکے بزدلی کا ثبوت دیا،حملہ آور بچ نہیں سکیں گے، جلد قانون کی گرفت میں ہونگے، امن دشمن عناصر کو بلوچستان کی ترقی و خوشحالی ہضم نہیں ہورہی ہے دہشت گردوں کو مذموم مقاصد کی تکمیل میں کامیاب ہونے نہیں دیں گے،فورسز دہشت گردوں کا قلع قمع کرنے کے لیے دن رات کوشاں ہیں،مزدورں کو نشانہ بناکر امن دشمن کسی رعایت کے مستحق نہیں

سینئر وزیر منصوبہ بندی نور محمد دمڑ نے ہرنائی میں دہشت گردی کے واقعے کی مذمت کرتے ہوئے کہا ہے کہ دہشت گردوں نے غیر ملکی آقاؤں کو خوش کرنے کے لئے نہتے شہریوں کو ٹارگٹ کرکے وطن فروشی کا ثبوت دیا ہے تمام سیاسی جماعتیں اور عوام متحد ہوکر دہشت گردی کے خلاف حکومت کے ہاتھ مضبوط کرنا ہوں گے