تیتر مصالحہ
وقت : 50 سے 60 منٹ
6 افراد کے لئے
اجزائے ترکیبی مقدار
پورے تیتر 6ٹکڑے
تیل ¼ کپ
دہی ½ کلو
پیاز (کٹے ہوئے) ½کپ
ادرک لہسن کا پیسٹ 2کھانے کے چمچ
نمک حسب ذائقہ
سرخ مرچ پاؤڈر 2چائے کے چمچ
ہلدی پاؤڈر 1چائے کا چمچ
ثابت زیرہ 1چائے کا چمچ
لیموں کا رس 1چائے کا چمچ
سجاوٹ کے لئے :
ہرا دھنیا (کٹا ہوا) 1کھانے کا چمچ
ہری مرچ (قتلے) ½کھانے کا چمچ
ادرک (لمبائی میں کٹا ہوا) 1کھانے کا چمچ
طریقہ کار :
ہرتیتر کو درمیان سے کاٹ لیں۔ ایک پیالے میں تیل کے علاوہ تیتر کے ساتھ تمام مصالحے شامل کریں۔ 2سے 3 گھنٹے کیلئے انہیں فریج میں میری نیٹ کریں۔ برتن میں تیل گرم کریں۔ میری نیٹ کئے ہوئے تیتر اس میں ڈالیں اور 10سے 15 منٹ تک ہلکی آنچ پرپکائیں۔ آدھا کپ پانی شامل کریں۔ ڈھکن سے ڈھانپ کرک 30سے35 منٹ تک ہلکی آنچ پر پکائیں حتیٰ کہ تیتر پک کر مکمل نرم ہوجائیں۔ 5سے 6 منٹ تک بھونیں یہاں تک کہ وہ تیل چھوڑ دیں۔ ہرے دھنیے، ہری مرچوں اور ادرک کے ساتھ سجائیں پودینے دہی کی چٹنی اور نان کے ساتھ پیش کریں۔ اگر تیتر مختلف سائز کے ہوں تو بڑے تیتر پہلے شامل کریں۔
