مذہبی مقامات کا تحفظ ، اقوام متحدہ میں‌ اہم قدم اٹھا لیا گیا

مذہبی مقامات کا تحفظ ، اقوام متحدہ میں‌ اہم قدم اٹھا لیا گیا

باغی ٹی وی : اقوام متحدہ نے مذہبی مقامات کے تحفظ کی قرارداد کی متفقہ طور پر منظوری دیدی ہے۔

یہ قرارداد پاکستان، سعودی عرب اور او آئی سی کے دوسرے ممالک نے پیش کی تھی۔ قرارداد میں پوری دنیاخصوصاً بھارت میں مذہبی مقامات کے خلاف پُرتشدددھمکیوں، تباہی اور نقصان پہنچانے کے اقدامات کی مذمت کی گئی۔

قرارداد میں کسی بھی مذہبی مقام کی طاقت کے زورپر منتقلی یا اسے ختم کرنے کے اقدام کی مذمت کی گئی ہے۔ قرارداد میں بڑھتی ہوئی نسلی ومذہبی عدم برداشت اورمذاہب کے منفی دقیانوسی تصورات کے بارے میں تحفظات کا اظہارجبکہ کسی بھی ایسی قومی، مذہبی یانسلی منافرت کی مذمت کی گئی ہے جس سے امتیازی سلوک ، دشمنی یا تشدد کے رویوں کوتقویت ملے۔
دوسری جانب اقوام متحدہ میں پاکستان کے مستقل مندوب منیر اکرم نے پیغام میں کہا تھا کہ گوکدال کےقتل عام کی31ویں برسی ہے ، 21جنوری1990میں بھارتی قابض فوج نےبزدلانہ،وحشیانہ حملہ کیا۔

منیر اکرم نے بھارتی حملےمیں شہیدہونیوالےبہادر کشمیریوں کو خراج عقیدت پیش کرتے ہوئے کہا تھا کہ ہمارےدل شہداگوکدال کےخاندانوں کےاہلخانہ کےساتھ ہیں، ایک لاکھ سے زائد کشمیریوں نےجدوجہدآزادی کی قیمت ادا کی ہے، حکومت پاکستان کشمیری بھائیوں،بہنوں کےغم میں شریک ہیں۔

اقوام متحدہ میں مستقبل مندوب کہنا تھا کہ ہماراایمان ہےاللہ شہداکی قربانیوں کورائیگاں نہیں جانےدیتا، ہم ان کی انصاف پسند جدوجہد کی حمایت میں ثابت قدم ہیں، وہ دن دور نہیں جب قبضہ کی تاریک رات ختم ہو گی۔

انھوں نے مزید کہا کہ ہمارےشہداکا لہو آزادی کےمیٹھےطلوع فجر میں سرگرداں ہوگا، قوم جموں وکشمیرکےعوام کیساتھ یکجہتی اورمضبوطی سے کھڑی ہے۔