قلندروں کی آج ایک بھی نہ چلی :ایم سی سی نے لاہور قلندرز کو 4 وکٹوں سے شکست دے دی

لاہور:قلندروں کی آج ایک بھی نہ چلی :ایم سی سی نے لاہور قلندرز کو 4 وکٹوں سے شکست دے دی،کراچی سے باغی ٹی وی کے مطابق میری لیبون کرکٹ کلب (ایم سی سی) کی ٹیم نے دورہ پاکستان کے پہلے میچ میں لاہور قلندرز کو 4 وکٹوں سے شکست دے دی۔

میدان بدلا، کپتان بدلا ، کٹ بدلی ، ٹیم بدلی مگر نہ بدلی تو لاہورقلندرز کی قمست نہ بدلی ۔۔ پی ایس ایل ٹیموں کے بعد لاہور قلندرز کو ایم سی سی کے ہاتھوں چار وکٹوں سے شکست کا سامنا کرنا پڑا ۔

لاہور کے قذافی اسٹیڈیم میں کھیلے گئے میچ میں ایم سی سی نے ٹاس جیت کر لاہور قلندرز کو پہلے بیٹنگ کی دعوت دی۔لاہور قلندرز کی جانب سے سلمان بٹ اور فخر زمان نے پہلی وکٹ کی شراکت میں 42 رنز بنائے اور سلمان بٹ 28 رنز بناکر رن آؤٹ ہوئے۔فخر زمان اور سہیل اختر کی ذمہ دارانہ بیٹنگ کی بدولت لاہور قلندرز نے مقررہ 20 اوورز میں 5 وکٹوں کے نقصان پر 135 رنز بنائے۔ایم سی سی کی طرف سے رولف وین ڈیر نے دو کھلاڑیوں کو آوٹ کیا۔

جواب میں ایم سی سی نے تین گیند پہلے چھ وکٹوں کے نقصان پر 136 رنز بناکر میچ میں کامیابی حاصل کرلی ۔۔ روی بوپارہ 42، سمیت پاٹیل 31 اورگیارہ برس بعد قذافی اسٹیڈیم میں کھیلنے والے ایم سی سی کے کپتان کمارا سنگاکارا 25 رنز بناکر نمایاں رہے ۔۔۔ لاہور قلندرز کے محمد فیضان نے دو جبکہ عثمان شنواری، فرزان راجہ ، دلبر حسین اور معاذ خان نے ایک ایک کھلاڑی کو آوٹ کیا۔

136 رنز کے ہدف کے تعاقب میں ایم سی سی کی جانب سے اننگز کا آغاز مایوس کن رہا اور اوپنر ول روڈز اور مائیکل 13 کے مجموعی اسکور پر پویلین لوٹ گئے۔
کپتان کمار سنگاکارا، روی بوپارا اور سمت پٹیل کی ذمہ دارانہ بیٹنگ کی بدولت ایم سی سی نے آخری اوور کی تیسری گیند پر6 وکٹوں کے نقصان پر ہدف حاصل کیا اور یوں 4 وکٹوں سے قلندرز کو شکست دی۔

روی بوپارہ 41، سمت پٹیل 31 اور سنگاکارا 25 رنز بناکر نمایاں رہے۔ پاکستان کے محمد فیضان نے 2، عثمان شنواری، معاذ خان، دلبر حسین اور فرزان راجہ نے ایک ایک وکٹ حاصل کی۔

خیال رہے کہ ایم سی سی ٹیم کی قیادت کمار سنگاکارا کر رہے ہیں جو 11 سال بعد پاکستان آئے ہیں جب کہ ‏میری لیبون کرکٹ کلب کی ٹیم 48 سال بعد پاکستان پہنچی ہے۔
ایم سی سی 16 فروری کو پاکستان شاہینز کے خلاف ون ڈے میچ کھیلے گی، 17 فروری کو ناردرن اور 19 فروری کو ملتان سلطانز کے خلاف ٹی ٹوئنٹی میچز کھیلے گی جبکہ یہ تینوں میچز ایچی سن کالج میں کھیلے جائیں گے۔