فلمسٹار میرا نے حال ہی میں ایک ٹی وی شو میں شرکت کی ہے جس میں انہوں نے انکشاف کیا ہے کہ بالی وڈ فلم جب تک ہے جاں جس میں مرکزی کردار شاہ رخ خان اور کترینہ کیف نے ادا کئے تھے ، یش راج کے بینر تلے بننے والی یہ فلم میرا کو آفر ہوئی تھی لیکن انہوں نے اس لئے اس فلم کو کرنے سے انکار کر دیا . میرا نے پروگرام کے ہوسٹ کو بتایا کہ لندن کا ویزہ میرے پاس موجود نہیں تھا جس کی وجہ سے فلم جب تک ہے جاںکرنا ممکن نہ ہو سکا. ورنہ تو اس فلم کے پرڈیوسرز کی بہت خواہش تھی کہ وہ مجھے اس فلم میںکاسٹ کریں، اور شاہ رخ خان کے ساتھ کام کرنا یقینا اعزاز کی بات ہے.
انہوں نے ایک سوال کے جواب میں کہا کہ ”مجھے اگر کوئی باجی بھی کہہ دے تو مجھے برا نہیں لگتا” باجی ایک عزت احترام والا لفظ ہے. انہوں نے یہ بھی بتایا کہ مجھے تو بگ باس کی بھی آفر ہوئی تھی لیکن میں نے اس کو اس لئے نہیں کیا کیونکہ میں ڈر گئی تھی کہ کہیں وہاں مجھ سے کوئی ایسی غلطی نہ ہوجائے جو بعد میں میرے گلے پڑجائے .میں اس پروگرام کے رولز جانتی نہیں تھی لہذا غلطی ہوجانے کا امکان موجود تھا.