لاہور میں یو ڈبلیو پروموشن کے تعاون سے منعقد ہونے والا میگا انٹرنیشنل باکسنگ ایونٹ اپنے اختتام کو پہنچا۔
اس ایونٹ میں پاکستان، افغانستان، تنزانیہ، تھائی لینڈ اور انڈونیشیا کے باکسرز نے حصہ لیا، اور ایک شاندار مقابلے کے بعد باکسنگ کے شائقین کو خوب محظوظ کیا۔اس ایونٹ کا سب سے بڑا مقابلہ پاکستانی باکسر عثمان وزیر اور تنزانیہ کے باکسر البانو کلائیمٹ کے درمیان تھا، جس میں عثمان وزیر نے شاندار کھیل کا مظاہرہ کرتے ہوئے فاتح کا تاج اپنے سر سجایا۔ عثمان وزیر کی یہ مسلسل پندرہویں فتح تھی جو ان کی باکسنگ کی دنیا میں ایک اور کامیاب سنگ میل ثابت ہوئی۔
عثمان وزیر، جو کہ ڈبلیو بی او کے یوتھ چیمپئن، ڈبلیو بی سی کے مڈل ایسٹ چیمپئن اور ڈبلیو بی اے کے ایشین چیمپئن ہیں، نے اس جیت کے ساتھ اپنی پوزیشن کو مزید مستحکم کیا۔ ان کی یہ مسلسل 15ویں فتح نہ صرف ان کی محنت اور عزم کا غماز ہے بلکہ پاکستان میں باکسنگ کے کھیل کو نئی بلندیاں دینے کی ایک اور مثال ہے۔ عثمان وزیر کو پاکستان کی حکومت نے ان کی اعلیٰ کارکردگی پر تمغہ امتیاز سے بھی نوازا ہے۔
ایونٹ میں عثمان وزیر کی کامیابی کے موقع پر وزیر اعظم پاکستان یوتھ پروگرام کے چیئرمین رانا مشہود اور گلگت بلتستان کے گورنر بھی موجود تھے۔ ان شخصیات کی موجودگی نے اس ایونٹ کو مزید معتبر اور یادگار بنا دیا۔اس ایونٹ کی کامیابی نے نہ صرف پاکستان بلکہ عالمی سطح پر بھی باکسنگ کے کھیل کو نئی توانائی دی اور باکسنگ کے نئے ستاروں کے لیے ایک نئی راہ ہموار کی۔
"ٹرمپ کی واپسی،امریکی سیاست اور عالمی منظرنامے پر اثرات”تحریر:اعجازالحق عثمانی
دہشتگردوں کی فائرنگ،انسداد پولیوٹیم کی سیکورٹی پر تعینات پولیس اہلکار شہید
