میری 6 گیندیں کھیل لیں توموٹر سائیکل آپ کی ، شعیب اختر کا فہد مصطفی کو چیلنج

قومی کرکٹ ٹیم کے سابق فاسٹ بولر شعیب اختر نے اداکار فہد مصطفی کو اُن کا ایک اوور کھیلنے پر موٹر سائیکل کی آفر کردی۔

باغی ٹی وی :سوشل میڈیا ویب سائٹ ٹوئٹر پر فہد مصطفیٰ نے نیٹ پریکٹس کرتے ہوئے اپنی ایک ویڈیو شیئر کی جس میں ان کی کرکٹ کھیلنے کی صلاحیتیں دیکھ کر مداح خوشگوار حیرت میں مبتلا ہوئے تو وہیں معروف کرکٹرز بھی اس پر اپنا ردعمل دیے بغیر نہ رہ سکے۔

قومی کرکٹر سرفراز نے ویڈیو پر ردعمل دیتے ہوئے کہا کہ بھئی واہ واہ بھائی فہد مصطفیٰ پی ایس ایل 6 میں کھیلنے کے لئے آپ بھی ہمارے ساتھ ابوظہبی آ جائیں-

جبکہ شعیب اختر نے سرفراز کے کمنٹس پر فہد مصطفیٰ کی ویڈیو پر ردعمل دیتے ہوئے کہا کہ فہد آپ نے تو غلط پیشہ اختیار کر رکھا ہے آئیں اور کرکٹ میں پاکستان کی نمائندگی کریں لیکن پہلے نیٹ میں ہی میرا سامنا کرلیں۔

Fahad u are in the wrong profession come play for Pakistan but 1st face me in the nets then ??

— Shoaib Akhtar (@shoaib100mph) May 23, 2021

شعیب اختر نے سوال بھی کیا کہ فہد کیا آپ اس کے لیے تیار ہیں؟

شعیب اختر کے اس پیغام پر فہد مصطفیٰ نے جواب دیا کہ وہ ایسا نہ کریں کیونکہ اس سے ان کی کچھ دن کی نیند اُڑ جائے گی۔

Na karen wont be able to sleep for sometime 😜@shoaib100mph 🙏 https://t.co/An1YOuMRbd

— Fahad Mustafa (@fahadmustafa26) May 24, 2021

شعیب اختر بھی فہد مصطفیٰ کے اس خوف کو انجوائے کرتے ہوئے کہا کہ اگر آپ نے میری 6 گیندیں کھیل لی تو موٹر سائیکل آپ کو دوں گا۔

6 ball khel li toh aik motorcycle teri @fahadmustafa26
😂 https://t.co/cKSYaACmXU

— Shoaib Akhtar (@shoaib100mph) May 24, 2021

علی ظفر کا فہد مصطفیٰ کو لاہورمیں کرکٹ کھیلنے کا چیلنج