انڈسٹری میں ماہرہ خان کی سب سے پہلی دوست کون ہیں؟

پاکستان شوبز انڈسٹری کی صف اول کی اداکارہ ماہرہ خان کا کہنا ہے کہ ان کی کامیابیوں میں سینئیر اداکارہ مرینہ خان کا بہت بڑا ہاتھ ہے۔

باغی ٹی وی : ماہرہ خان نے مرینہ خان کی سالگرہ پر ان کے لیے سماجی رابطے کی ویب سائٹ انسٹاگرام پر ایک خصوصی پیغام تحریر کیا ہے ماہرہ خان نے انسٹاگرام پر امرینہ خان کے ساتھ لی گئی ایک یادگار تصویر شئیر کی-

تصویر شئیر کرتے ہوئے ماہرہ خان نے لکھا کہ دنیا کے لیے مرینہ خان پاکستان کی سب سے پیاری خاتون ہیں لیکن میرے لیے مرینہ میری اس انڈسٹری میں سب سے پہلی دوست ہیں۔

ماہرہ خان نے لکھا مرینہ خان اور ان کے شوہر وہ پہلے لوگ ہیں جنہوں نے مجھے اس انڈسٹری میں ہونے کا احساس کروایا اور مجھے خوش آمدید کہا۔ آج میں جو کچھ بھی ہوں اس میں لاشعوری طور پر مرینہ خان اور ان کے شوہر کا بہت بڑا ہاتھ ہے۔

ماہرہ خان نے لکھا کہ جس طرح میں اپنے آپ کو لے کر چلتی ہوں اور میں جس طرح اپنے جونیئرز اور سینئرز کے ساتھ پیش آتی ہوں۔ جس طرح میں اپنی کامیابیوں اور ناکامیوں کو سنبھالنے کی کوشش کرتی ہوں یہ سب کچھ ان دنوں کی وجہ سے ہے جو میں نے مرینہ خان کے گھر پر گزارے۔

اداکارہ نے مزید لکھا کہ مرینہ خان کا گھر جو ہمیشہ ہر کسی کے لیے کھلا رہتا ہ۔ جہاں میں بہت سے غیر معمولی لوگوں سے ملی۔ میں ہمیشہ اس بات کی شکرگزار رہوں گی کہ آپ دونوں میری زندگی میں ہیں۔

اپنی پوسٹ کے آخر میں ماہرہ خان نے مرینہ خان کو سالگرہ کی مبارکباد دی۔

آئسولیشن میں ماہرہ خان کا منفرد انداز میں میڈم نورجہان کو خراج عقیدت