میری موسیقی خدا اور انسان کے درمیان ایک پُل ہے

شہنشاہِ قوالی نصرت فتح علی خان کے مداح ان کی وفات کو مدت گزر جانے کے بعد بھی اپنے چاہنے والوں کے دلوں میں زندہ ہیں-

باغی ٹی وی :نصرت فتح علی خان کے مداح آج بھی ان کے بارے میں جاننے کے لئے بے تاب رہتے ہیں اور آج نصرت فتح علی خان کی دلوں کو چھو دینے والی موسیقی شوق سے سنتے ہیں-

سوشل میڈیا پر مرحوم نصرت فتح علی خان کی ایک تصویر زیر گردش ہے جس میں نصرت فتح علی خان کے ہمراہ امریکی صحافی حنّا بلوچ بھی موجود ہیں۔

Remembering Nusrat Fateh Ali Khan, the great Pakistani qawwali singer, who died on this day in 1997. I was lucky to see him perform in Central Park in 1993. When I interviewed him afterward, “My music is a bridge between people and God,” he told me. pic.twitter.com/tEao6BGo6k

— Hannah Bloch (@HannahBloch) August 16, 2020

یہ تصویر 1993 کی ہے کہ جب نصرت فتح علی خان نے نیویارک سٹی کے سینٹرل پارک میں 14 ہزار کے مجمعے کے سامنے اپنے فن کا مظاہرہ کیا تھا۔

اور امریکی صحافی حنّا بلوچ نے یادگار کنسرٹ کے بعد نصرت فتح علی خان کا ٹائم میگزین کے لیے انٹرویو کیا تھا۔

اس یادگار تصویر کے حوالے سے حنّا بلوچ کا کہنا ہے کہ مجھے یہ اعزا حاصل ہے کہ میں اُن 14 ہزار خوش قسمت لوگوں میں شامل ہوں جنہوں نے اس کنسرٹ میں شرکت کی۔

ان کا کہنا ہے کہ کنسرٹ کے بعد جب انہوں نے نصرت فتح علی خان کا انٹرویو کیا تو انہوں نے کہا کہ میری موسیقی خدا اور انسان کے درمیان ایک پُل ہے۔