انکشافات ہی انکشافات ،میٹرو بس منصوبے کے ریکارڈ میں‌تبدیلیوں کے انکشافات

لاہور:پاکستان میں انکشاف پر انکشاف اب کلچر بن کر رہ گیا ہے کہیں‌صاف پانی سکینڈل میں‌انکشافات تو کہیں سیلاب متاثر ین فنڈ میں‌کرپشن کے انکشافات کی خبریں گردش کرتی ہیں‌.لیکن اسی اثنا میں ایک اور انکشاف ہوا ہے.تفصیلات کے مطابق مختلف صوبائی محکموں کی جانب سے نیب لاہور میں جمع کرائے گئے میٹرو بس کے ریکارڈ میں انکشافات سامنے آگئے۔

نیب کی جانب سے میٹروبس لاہور کے احتساب سے متعلق مزید تحقیقات جاری ہیں، جن میں مختلف صوبائی محکموں سے مزید ریکارڈ نیب لاہور نے طلب کیا، ذرائع کے مطابق متعلقہ محکموں کی جانب سے میٹروبس کے احتساب سے متعلق مطلوب تمام ریکارڈ اب نیب کو پھر سے پیش کردیاگیا ہے۔

نیب لاہور نے مختلف پیکجز پر دستاویزات، منصوبے کے میٹریل میں قیمت خرید سے متعلق ریکارڈ اور ملٹی پی سی ون میں منظور ہونیوالے پروگرام کے متعلق جواب مانگا تھا، اب محکمہ ہاوسنگ، ٹرانسپورٹ، ایل ڈی اے اور پی ایم اے کی جانب سے تمام تر تفصیلی ریکارڈ نیب کو پیش کر دیا گیا۔