لاہور: میٹرو بس سروس معطل ہوئے آج چوتھا دن ہو گیا-
باغی ٹی وی : تفصیلات کے مطابق میٹرو بس کے ڈرائیورز کی ہڑتال کا معاملہ حل نہ ہو سکا لاہور میں چار دن سے میٹرو بس سروس معطل ہے میٹروبس کے ڈرائیورزنے بونس، گریجویٹی اور تجربہ کے سرٹیفیکٹ نہ ملنے پر ہڑتال کر رکھی ہے۔
شہریوں کو آج بھی میٹرو کی سہولت میسر نہیں جس کے باعث شہریوں کو شدید مشکلات کا سامنا ہے وہ بس سروس بند ہونے پر رکشہ ٹیکسی اور آن لائن ٹیکسی سروس استعمال کرنے پر مجبور ہیں۔
میٹروبس سروس گجومتہ سے شاہدرہ تک چلائی جاتی ہے جس میں روزانہ کی بنیاد پر ایک لاکھ سے زائد افراد سستی سفری سہولیات سے مستفید ہوتے ہیں۔
