لاہور:نوازشریف کا بیانیہ شرپسندی کاشاخصانہ:ملک وقوم کوآزمائش میں ڈالنے والے لیڈرکے بیان کومسترد کرتا ہوں،ن لیگی ایم پی اے ،اطلاعات کے مطابق پنجاب کے شہر شیخوپورہ سے منتخب ہونے والے ن لیگی ایم پی اے جلیل شرق پوری نے نواز شریف کا بیانیہ مسترد کردیا۔
ذرائع کے مطابق ن لیگی ایم پی اے جلیل شرق پوری نے نواز شریف کے بیانیے کو مسترد کرتے ہوئے کہا کہ نواز شریف کی تقریر ملک کو نقصان پہنچانے کے مترادف ہے۔
میاں جلیل شرقپوری کہتے ہیں کہ نوازشریف کا بیانیہ شرپسندی کا شاخصانہ ہے جس نے ملک وقوم کوآزمائش میںڈال دیا ،ان کا کہنا تھا کہ نوازشریف ملک سے باہربیٹھ کرقوم کو لڑانا چاہتے ہیں لیکن نہ تو کوئی عقلمند ن لیگی کارکن ان کے بہکاوے میں آئے گا اورنہ ہی یہ قوم کسی شرپسندی کا شکارہوگی
ن لیگی ایم پی اے میاں جلیل شرقپوری کا کہنا تھا کہ پارٹی میں بڑی تعداد میں رہنما نواز شریف اور مریم نواز کے موقف کے مخالف ہیں۔
میاں جلیل شرق پوری نے کہا کہ نواز شریف کو ایسے بیانات سے گریز کرنا چاہئے، ملکی اداروں کے خلاف بیانات ملکی مفاد میں ہر گز نہیں ہوسکتے، نواز شریف اور مریم نواز کو اپنی سوچ بدلنا ہوگی۔
دوسری جانب اپوزیشن لیڈر شہباز شریف کا کہنا تھا کہ نواز شریف نے کوئی غلط بات نہیں کی، میں نواز شریف کی تقریر کے ساتھ کھڑا ہوں۔شہباز شریف کا کہنا تھا کہ نوازشریف کی تقریر آئین اور دستور کے عین مطابق ہے، نواز شریف کی تقریر کا ایک لفظ بھی غیر آئینی یا غیر جمہوری نہیں۔
واضح رہے کہ سابق وزیراعظم نواز شریف نے اے پی سی سے ویڈیو لنک خطاب کے دوران حکومت اور عسکری اداروں پر شدید تنقید کی تھی۔
