مہاجراور سندھ کارڈ کے خاتمے کے لئے کیا کام کیا جائے؟ مصطفیٰ کمال نے بتا دیا

مہاجراور سندھ کارڈ کے خاتمے کے لئے کیا کام کیا جائے؟ مصطفیٰ کمال نے بتا دیا

باغی ٹی وی کی رپورٹ کے مطابق چیئرمین پاک سرزمین پارٹی سید مصطفیٰ کمال نے ڈسٹرکٹ سینٹر کے آفس کی افتتاحی تقریب سے خطاب کیا، اس موقع پر صدر انیس قائمخانی، ڈسٹرکٹ سینٹر کے صدر عبدالله شیخ، سینٹر ایکزیکٹو اور نیشنل کونسل کے اراکین بھی موجود تھے.

پاک سرزمین پٔارٹی کے چیئرمین مصطفیٰ کمال نے اپنے خطاب میں کہا کہ آج پیپلز پارٹی کی بدولت کراچی میں اداروں کا برا حال ہے، پیپلز پارٹی سندھیوں کے حقوق کی جماعت نہیں، ویسے ہی جیسے ایم کیو ایم مہاجروں کے حقوق کی پارٹی نہیں ہے۔ ایم کیو ایم سندھ کو تقسیم کرنے کی بات کرتی ہے، مہاجروں سے اپیل کرتا ہوں کہ پی ایس پی میں شامل ہوجائیں، ہم نے مہاجر کارڈ اور سندھ کارڈ کو نہیں چلنے دینا ہے۔

خالد مقبول صدیقی کی اپنی کارکردگی کیا ہے؟ فاروق ستار نے اٹھائے سوالات

اتحادی جماعت کے رکن کا وزارت سے استعفیٰ، حکومت نے کس سے رابطہ کر لیا؟ اہم خبر

مصطفیٰ کمال نے مزید کہا کہ لاڑکانہ 90 فیصد مہاجروں کا شہر تھا، ایم کیو ایم کی پالیسیوں کی وجہ سے آج نہیں ہے۔ مصطفیٰ کمال کا کہنا تھا کہ کیا مہاجروں کے لئے یہ بات اچھی نہیں کہ لاڑکانہ، خیر پور کا سندھی، بلوچی، پنجابی مہاجروں کے لئے پھولوں کی پتیاں نچھاور کرتے ہیں اور ان کے لئے تالیان بجاتے ہیں، پہلے مہاجر کے نام پر سیاست کی جاتی تھی، طعنوں کا سامنا کرنا پڑتا تھا، نفرت اور اندھیرے کے دورے سے نکل آئے، بند گلی سے نکل آئے، اب پی ایس پی کے علاوہ کسی کے پا س کوئی راستہ نہیں، اللہ کے ہاں دیرہے اندھیر نہیں، مصطفیٰ کمال سب کو ساتھ لے کر چلے گا