پاکستان شوبز انڈسٹری کی نامور اور خوبرو ماڈل اداکارہ منال خان نے اپنی شادی سے متعلق گردش کرنے والی افواہوں پر خاموشی توڑ دی۔
باغی ٹی وی : چند روز قبل سے سوشل میڈیا پر اداکارہ منال خان کی شادی کی خبریں بھی گردش کررہی ہیں منال خان کی شادی کی خبروں کا سلسلہ اس وقت شروع ہوا جب انہوں نے اداکار و ماڈل احسن محسن اکرام کے ساتھ تصاویر سوشل میڈیا پر شیئر کیں اور محسن اکرام نے بھی انسٹاگرام پر منال خان کے ساتھ تصاویر شیئر کیں۔ اس کے علاوہ دونوں نے ایک دوسرے کی تصاویر پر کمنٹس بھی کیے جنہیں بعد میں ڈیلیٹ کردیا۔
یہ افواہیں سوشل میڈیا پر اس وقت زیادہ یقین میں بدلیں جب منال خان کی بہن ایمن خان نے بھی چار روز قبل ایک تصویر پوسٹ کی اس تصویر میں ایمن، منال اور ان کی والدہ کے چہرے پر ابٹن لگا ہوا تھا اور تصویر کے ساتھ ایمن خان نے ’ویڈنگ بیلز‘ کا ہیش ٹیگ استعمال کیا تھا-
تاہم اب منال خان نے اپنی شادی کی خبروں کی تردید کردی۔
حال ہی میں منال خان کی ایک تصویر پر کمنٹ کرتے ہوئے ایک خاتون صارف نے لکھا کہ منال مہربانی کرکے خاموشی توڑیں اور بتائیں آپ کے گھر میں کون شادی کررہا ہے میرے امتحان ہونے والے ہیں اور تجسس کے مارے میں پڑھائی کرنے کے بجائے تمہارا اسٹیٹس دیکھ رہی ہوتی ہوں۔
اس خاتون مداح کے سوال کرنے پر منال خان نے ہنستے ہوئے مختصر جواب دیا کہ میری شادی نہیں ہورہی۔
