موبائل قسطوں پر دیئے جائیں گے یا نہیں،وزارت آئی ٹی کا وضاحتی بیان جاری

اسلام آباد: وزارت آئی ٹی کے ترجمان نے اپنے ایک حالیہ بیان میں قسطوں پر موبائل فونز دئیے جانے کے معاملے پر وضاحت پیش کی۔

باغی ٹی وی: ترجمان وزارت انفارمیشن اینڈ ٹیکنالوجی علی کاظم نے کہا ہے کہ وزارت آئی ٹی کی جانب سے موبائل قسطوں پر نہیں دئیے جائیں گے،انہوں نے کہا کہ وزارت کا کام صرف اور صرف پالیسیاں بنانا ہے،فی الحال وزارت آئی ٹی کی جانب سے موبائل مینوفیکچرنگ کمپنیوں کو زیادہ سے زیادہ سہولیات فراہم کی جائیں گی اس کا مقصد پاکستان میں زیادہ سے زیادہ موبائل فون بنانا ہے۔

ترجمان علی کاظم نے کہا کہ اس اسکیم سے موبائل تو زیادہ بن رہے ہوں گے لیکن پھر اس کی سپلائی اور ڈیمانڈ کو بڑھانے کیلئے وزارت قسطوں پر موبائل دینے کے حوالے سے پالیسی بنائے گی، انہوں نے واضح کیا کہ قسطوں پر موبائل وزارت نہیں بلکہ موبائل مینوفیکچر کمپنیاں، ٹیلی کام کمپنیاں اور بینک مہیا کریں گے۔

ڈالر اور سونے کی قیمت میں اضافہ

واضح رہے کہ گزشتہ ماہ نگران وفاقی وزیر آئی ٹی عمر سیف نے اپنے ایک بیان میں کہا تھا کہ پاکستانیوں کو جنوری میں میڈ ان پاکستان سستے موبائل فون قسطوں پر دستیاب ہوں گےکوئی وجہ نہیں کہ موبائل فونز ملک کے اندر اسمبل اور مینو فیکچر نہ ہوسکیں، میڈ ان پاکستان فون کم قیمت ہوں گے اور ایک فون کی اوسطاً قیمت 15 ہزار روپے ہوگی۔

سینیٹ اجلاس، نیب ترمیمی آرڈینس میں 120 دن کی توسیع