پاکستان کی سپر ماڈل مشک کلیم گزشتہ روز قریبی دوست نادر ضیاء کے ساتھ رشتۂ ازدواج میں منسلک ہوگئیں۔
باغی ٹی وی : تفصیلات کے مطابق مشک کلیم کی نکاح کی تصاویر اور ویڈیوز مختلف سوشل میڈیا پیجز پر وائرل ہورہی ہیں تصاویر میں کہ مشک کلیم اپنے شوہر نادر ضیاء کے ساتھ بہت خوش نظر آرہی ہیں مشک کلیم اپنے نکاح پر سفید رنگ کے جوڑے کے ساتھ ہلکے میک اَپ اور جیولری کا انتخاب کیا جس میں وہ بہت خوبصورت نظر آرہی ہیں جبکہ ان کے شوہر نے سفید رنگ کا سوٹ زیب تن کر رکھا ہے-
خیال رہے کہ مشک کلیم نے پچھلے ماہ اپنے انسٹا گرام اکاؤنٹ پر شادی کے کارڈ کی تصویر شیئر کرتے ہوئے اپنی شادی کا اعلان کیا تھا انہوں نے اپنی شادی کا کارڈ شیئر کرتے ہوئے لکھا تھا کہ’ الحمداللّٰہ، بیس دن بعد شادی ہے‘۔
واضح رہے کہ پاکستان کی سُپر ماڈل مشک کلیم نے کم عمری میں ہی ماڈلنگ کا آغاز کیا تھا اور اب تک کئی ایوارڈز بھی حاصل کر چکی ہیں۔
