اسلام آباد:کسانوں کے لیے جدید ڈرون تیار،پاکستانی انجینئرزبھی ایجادات کرنےلگے،اطلاعات کے مطابق نیشنل ریڈیو اینڈ ٹیلی کمیونی کیشن کارپوریشن (این آر ٹی سی) کے پاکستانی انجینئرز نے کسانوں کی سہولت کے لیے کارنامہ انجام دیتے ہوئے جدید ڈرون تیار کر لیا۔
تفصیلات کے مطابق این آر ٹی سی میں میڈ اِن پاکستان پراڈکٹس کی تیاری کا عمل جاری ہے، جدید پورٹیبل وینٹی لیٹرز کے بعد انجینئرز نے کسانوں کے لیے ہیوی ڈیوٹی اسپرے ڈرون بھی تیار کر لیا۔
اس ڈرون کی مدد سے ٹڈی دل کے خاتمے کے لیے سہولت کے ساتھ اسپرے کیا جا سکے گا، یہ ‘میڈ اِن پاکستان’ پراجیکٹ کے تحت تیار کردہ سب سے بڑا اسپرے ڈرون ہے، جس کا ٹیسٹ رن کامیاب رہا۔
این آر ٹی سی کی جانب سے کہا گیا ہے کہ انتہائی کم قیمت ڈرون جلد مارکیٹ میں دستیاب ہوگا، یہ بھی بتایا گیا ہے کہ انجینئرز کو وفاقی وزیر فواد چوہدری نے اس ڈرون کی تیاری کا ٹاسک دیا تھا۔
"میڈ ان پاکستان" پراجیکٹ کے تحت سب سے بڑا اسپرے "ڈرون" بھی تیار کر لیا گیا! @fawadchaudhry کی ہدایت پر بنائے گئے ڈرون کا ٹیسٹ رن کامیاب, جلد مارکیٹ میں متعارف کروا دیا جائے گا! مزید کیا کیا بنایا جا رہا ہے دیکھیے مکمل ویڈیو! 👇👇👇https://t.co/KwCYxwQFpD#MadeInPakistan pic.twitter.com/tITrYmelva
— Abdul Qadir (@AbdulqadirARY) July 7, 2020
گزشتہ روز وزیر اعظم کو بھی ڈرون سے متعلق بریفنگ دی گئی تھی، یہ ڈرون جی پی ایس ٹیکنالوجی کی مدد سے کام کرے گا۔
یاد رہے کہ گزشتہ روز وزیر اعظم عمران خان نے میڈ اِن پاکستان وینٹی لیٹرز کی پہلی کھیپ این ڈی ایم اے کے حوالے کی تھی، این آر ٹی سی حکام کا کہنا تھا کہ اب تک 12 وینٹی لیٹرز تیار کیے جا چکے ہیں، ضرورت پڑنے پر ایک مہینے میں 300 وینٹی لیٹرز بنائے جا سکتے ہیں۔
این آر ٹی سی پاکستان کا پہلا اداراہ ہے جو مقامی سطح پر وینٹی لیٹرز بنا رہا ہے، یہ وینٹی لیٹرز آسانی سے ایک جگہ سے دوسری جگہ منتقل کیے جا سکتے ہیں اور انھیں سیف ایونٹ ایس پی 100 (Safevent SP 100) کا نام دیا گیا ہے، اس پیداواری یونٹ میں ہر ماہ ڈھائی سو سے 300 تک وینٹی لیٹرز تیار کرنے کی صلاحیت ہے۔
این آر ٹی سی حکام کے مطابق پاکستان میں وینٹی لیٹرز کی تیاری عالمی معیار کے مطابق ہو رہی ہے، انجینئرنگ کونسل نے وینٹی لیٹر کو عالمی معیار کے مطابق قرار دیا ہے۔
