وفاقی وزیر برائے امور کشمیر و گلگت بلتستان علی امین گنڈا پور نے کہا ہے کہ مولانا فضل الرحمن دوسروں پر الزامات لگا کر اشتعال پھیلا رہے ہیں، انہیں اپنی شکست برداشت نہیں ہو رہی اور وہ ریاست کو انارکی کی طرف لے جانا چاہتے ہیں،

باغی ٹی وی کی رپورٹ‌ کے مطابق جے یو آئی ف کے سربراہ مولانا فضل الرحمن پر بھارتی وزیراعظم نریندر مودی کا ایجنڈا پروموٹ کرنے کا الزام عائد کرتے ہوئے علی امین گنڈا پور نے کہا کہ مولانا فضل الرحمن کو مسئلہ کشمیر کا ہونے والا وہ نقصان کیوں‌ یاد نہیں ہے جب وہ کشمیر کمیٹی کے چیئرمین تھے، وہ پچھلی کئی حکومتوں میں‌ کشمیر کمیٹی کے چیئرمین رہے ہیں، اس وقت جو سازشیں کی جارہی ہیں اس سلسلہ میں ان کے پاس ٹھوس ثبوت موجود ہیں جنہیں‌ پیش کیا جائے گا،

آرمی چیف کی امریکی سینیٹرز سے ملاقات، پاک امریکہ تعلقات سے متعلق انتہائی اہم بات کہہ دی

ہمیں کشمیریوں سے محبت ہے اور کشمیر ہماری روح کا حصہ ہے، آرمی چیف جنرل قمر جاوید باجوہ

آرمی چیف سے سعودی بری فوج کے سربراہ کی ملاقات، علاقائی سکیورٹی اور دیگر امور پر تبادلہ خیال

علی امین گنڈا پور نے پریس کانفرنس کرتے ہوئے کہا کہ مولانا فضل الرحمن کیخلاف ان کے پاس اتنے شواہد موجود ہیں کہ انہیں‌ سزا ہو جائے گی، انہوں‌ نے کہا کہ وطن عزیز پاکستان کو اس وقت اندرونی و بیرونی سازشوں کا سامنا ہے، ایسے حالات میں اگر مولانا فضل الرحمان دھرنا دیتے ہیں‌ تو یہ مودی کے ایجنڈے پر چلنے کے مترادف ہے، ساری دنیا تسلیم کر رہی ہے کہ اسلام کی تبلیغ اس وقت وزیراعظم عمران خان سب سے زیادہ کر رہے ہیں، دوسری طرف مولانا فضل الرحمان تو انتخابات ہارنے پر ملک بھر میں گمراہ کن تقاریر اور بیانات سے نریندر مودی کے ایجنڈے کو پرموٹ کر رہے ہیں لہٰذا انہیں 15 دن کا نوٹس بھیجا جارہا ہے اگر اس کا جواب نہ آیا تو پھر قانونی چارہ جوئی کی جائے گی،

واضح‌ رہے کہ مولانا فضل الرحمن کے احتجاجی دھرنے کا اعلان کئے جانے کے بعد سیاسی لیڈروں نے باہم رابطوں‌ و ملاقاتوں‌ کا سلسلہ تیز کر دیا ہے،