دشمن کو بھی اس ہسپتال کے آپریشن تھیٹر میں نہ بھیجوں،محسن نقوی دورے کے بعد پھٹ پڑے

نگران وزیراعلی پنجاب محسن نقوی نے آج سروسزہسپتال کا 3 گھنٹے طویل دورہ کیا- وارڈز میں خراب بیڈز، بدبودارمیٹرس، اے سی بند، مریضوں کا حبس سے برا حال، ناقص صفائی، آپریشن تھیٹرزکی ابترصورتحال اور طبی سہولتوں کے فقدان تھا-وزیر اعلی محسن نقوی سروسز ہسپتال کی حالت زاردیکھ کر شدید برہم ہوئے- محسن نقوی نے اے سی کی دیکھ بھال کے کنٹریکٹرکو 7 ماہ سے ادائیگی نہ ہونے پر ڈائریکٹر فنانس کی سرزنش کی اور فوری طور پر عہدے سے ہٹانے کا حکم دیا-محسن نقوی نے سروسز ہسپتال کی پارکنگ کے حوالے سے اوورچارجنگ کی شکایات پر پارکنگ کا ٹھیکہ منسوخ کرتے ہوئے لاہور پارکنگ کمپنی کو سروسز ہسپتال کی پارکنگ کا انتظام سنبھالنے کی ہدایت کی- وزیراعلی محسن نقوی نے پرانے بیڈ اور میٹرس تبدیل کرنے کا حکم دیااور اے سی کے کنٹریکٹرکوجلد ادائیگی کی ہدایت کرتے ہوئے کہا کہ وارڈز میں اے سی کو فوری طور پر فنکشنل اور خراب اے سی کوتبدیل کیا جائے- محسن نقوی نے ہسپتال کی اپ گریڈیشن کا اعلان کیا اور فوری طور پر ماسٹر پلان طلب کرتے ہوئے انفراسٹرکچر ڈویلپمنٹ اتھارٹی پنجاب کو سروسز ہسپتال کا ماسٹر پلان تیارکرنے کی ہدایت کی- وزیر اعلی محسن نقوی نے ڈائیلسزیونٹ، پاپولیشن ویلفیئر کے سنٹر،پولیس چوکی، پارکنگ، میڈیسن سٹورکا وزٹ کیا-انہوں نے سرجیکل یونٹ، آپریشن تھیٹرز، آئی سی یو، نیورو وارڈ، گیسٹرالوجی و لیور یونٹ، میڈیکل یونٹ اور آئی وارڈ کا بھی معائنہ کیااورزیر علاج مریضوں سے علاج معالجہ کی سہولتوں کے بارے پوچھا،مریضوں اور تیماردارو ں نے طبی سہولتو ں کے فقدان، صفائی کے ناقص انتظامات اور اے سی کی بندش کے بارے شکایات کیں -وزیر اعلی محسن نقوی نے ہسپتال انتظامیہ کو مریضو ں کو معیاری علاج معالجے فراہم کرنے کیلئے ہدایات دیں -محسن نقوی نے ڈائیلسز یونٹ میں زیر علاج نوجوان طلحہ کا کڈنی ٹرانسپلانٹ کرانے کی ہدایت کرتے ہوئے کہا کہ طلحہ کے علاج کی بابت روانہ کی بنیاد پر مجھے رپورٹ دی جائے -محسن نقوی نے کہا کہ مجھے یہ پرانے اور ٹوٹے ہوئے بیڈ آئندہ نظر نہ آئیں، اگلے ہفتے پھر سے وزٹ کروں گا-میڈیسن سٹور میں ادویات ہر وقت موجود ہونی چاہئیں -محسن نقوی نے میڈیسن سٹور میں ادویات اور انجکشن کیلئے کولنگ کو برقرار رکھنے کی ہدایت کی-محسن نقوی نے سٹورروم کا بھی دورہ کیا -وزیر اعلیٰ محسن نقوی نے نئی ایمرجنسی کا معائنہ کیا اورتعمیراتی کاموں کا جائزہ لیااور نئی ایمرجنسی کو 7 روز کے اندر فنکشنل کرنے کا حکم دیا- محسن نقوی نے کہا کہ نئی ایمرجنسی کی جلد تکمیل کے لئے تعطیلات کے دوران بھی کام جاری رکھا جائے اورنئی ایمرجنسی میں معیاری کام کو یقینی بنایا جائے – محسن نقوی نے میڈیکل ایمرجنسی میں سیوریج اور نکاسی کے نظام کو جلد مکمل کرنے کی ہدایت کی-انہوں نے کہا ہے کہا کہ لاہور کے مرکز میں واقع سروسز ہسپتال کی حالت دیکھ کر بہت افسوس ہوا –

https://twitter.com/BaaghiTV/status/1683848909112893440

نگران وزیراعلی پنجاب محسن نقوی کا کہنا تھا کہ میں نے درجنوں ہسپتالوں کے وزٹ کئے ہیں سب سے بری اور بدترین حالت سروسز ہسپتال کی ہے – کسی دشمن کو بھی اس ہسپتال کے آپریشن تھیٹر میں نہ بھیجوں جو حالت ان آپریشن تھیٹرز کی میں نے دیکھی ہے – انہوں نے کہا کہ ہمیں روز آنا پڑا تو روز آئیں گے اور اس ہسپتال کو بہتربنائیں گے-جتنا بھی وقت ہے سروسز ہسپتال کو بہترین ہسپتال بنانے کیلئے صرف کریں گے-محسن نقوی نے کہا کہ ڈائریکٹر فنانس ایئرکنڈیشنرز کی دیکھ بھال کے حوالے سے ادائیگیوں پر بالکل مطمئن نہیں کر سکے-گرمیاں شروع ہوئے3 ماہ ہو چکے ہیں،اے سی کی دیکھ بھال کیلئے 7 ماہ سے فنڈز جاری نہیں ہوئے -صوبائی وزیر سپیشلائزڈ ہیلتھ کیئر اینڈ میڈیکل ایجوکیشن ڈاکٹر جاوید اکرم، سیکرٹری صحت، ایم ایس سروسز ہسپتال ڈاکٹر منیر ملک، ڈپٹی کمشنر اور متعلقہ حکام بھی اس موقع پر موجود تھے-

بجٹ کا پیسہ عوام کے مسائل حل کرنے کے بجائے اشرافیہ کی نذر ہوجاتا ہے. کیماڑی جلسہ عام سے خطاب

سابقہ حکومت کی نااہلی کا بول کر عوام پر بوجھ ڈالا گیا،ناصر خان موسیٰ زئی

باغی ٹی وی کی ویڈیو دیکھنے کے لئے یہاں کلک کریں

اسمبلیوں کی تحلیل۔۔۔ آئین کیا کہتا ہے؟