کس چیز کا لالچ مولانا فضل الرحمن کو حکومت مخالف تحریک چلانے پر اکسا رہا ہے،مومنہ وحید نے بتا دیا

لاہور۔(اے پی پی) چیئر پرسن سٹینڈنگ کمیٹی فار چیف منسٹر انسپیکشن ٹیم و رکن پنجاب اسمبلی مومنہ وحید نے کہا ہے کہ اقتدار کا لالچ فضل الرحمن کو حکومت مخالف تحریک چلانے پر اکسا رہا ہے،جیلوں میں قیداپوزیشن قیادت مولانا فضل الرحمن کے کندھوں پر بندوق رکھ کر چلا نا چاہتی ہے، حکومت گرانے اور لاک ڈاون کے ارمان مولانا فضل الرحمن کے سینے میں دفن ہو جائیں گے، ان کے کہنے پر مدارس کے طلباء بھی باہر نہیں آئیں گے۔ انہوں نے کہاکہ بھارت معصوم کشمیریوں کیخلاف تمام ہتھکنڈے استعمال کر رہا ہے ایسے وقت میں ملک کو یکجہتی کی ضرورت ہے نہ کہ انتشار کی‘اقوام متحدہ میں ملت اسلامیہ کا حقیقی چہرہ متعارف کرانے پر پاکستان عالمی سطح پر کلیدی حیثیت اختیار کر چکا ہے‘ ملک آگے کی طرف بڑھ رہا ہے اور معیشت کے اہداف پورے ہورہے ہیں۔