منی لانڈرنگ کیس: مونس الہی کی عبوری ضمانت منظور

ایف آئی اے بینکنگ کورٹ لا ہور نے ق لیگی رہنما مونس الہٰی کی عبوری ضمانت 4جولائی تک منظور کرلی-

باغی ٹی وی : ق لیگی رہنما مونس الہٰی نے ایف آئی اے بینکنگ کورٹ لا ہور میں عبوری درخواست ضمانت دائر کر دی مونس الہی کی درخواست منظور کرتے ہوئے ایف آئی اے بینکنگ کورٹ لا ہور نےمونس الہٰی کو 4جولائی تک گرفتار کرنے سے روک دیا-

دریائے جہلم میں طغیانی،سیلاب سے متعلق الرٹ جاری

بعد ازاں میڈیا سے گفتگو کرتے ہوئے ق لیگی رہنما مونس الہی نے کہا کہ سارا کام وکیل کی ہدایت پر کر رہا ہوں،وکلا کی ہدایت پر عبوری ضمانت کروائی ہے-

ق لیگی رہنما مونس الہٰی نے کہا کہ کیس کے حوالے سے کوئی بات نہیں کروں گا-

واضح رہے کہ قبل ازیں لاہور کی خصوصی مرکزی عدالت نے منی لانڈرنگ کیس میں سابق وفاقی وزیر اور پاکستان مسلم لیگ (ق) کے رہنما مونس الٰہی کی ضمانت قبل از گرفتاری کی درخواست خارج کر دی تھی خصوصی مرکزی عدالت نے مسلم لیگ ق کے رہنما کی درخواست اعتراض کے ساتھ واپس کی تھی کہ درخواست گزار نے متعلقہ فورم سے رجوع نہیں کیا۔

اسلام آباد بلدیاتی انتخابات ملتوی ،الیکشن کمیشن کا اسلام آباد ہائیکورٹ میں بیان

یاد رہے کہ سپیکر پنجاب اسمبلی پرویز الٰہی کے صاحبزادے الٰہی نے عدالت سے رجوع کیا تھا وفاقی تحقیقاتی ایجنسی (ایف آئی اے) منی لانڈرنگ انکوائری میں اس کے خلاف مقدمہ درج کرایا تھا ایف آئی اے نے کہا تھا کہ مسلم لیگ (ق) کے رہنما پر مبینہ طور پر ہنڈی اور حوالا کے ذریعے رقم بھیج کر بیرون ملک جائیدادیں بنانے کا الزام ہے۔

ایف آئی اے نے منی لانڈرنگ سے متعلق کیس میں سیکرٹری پنجاب اسمبلی کے دو قریبی ساتھیوں نواز بھٹی اور مظہر اقبال کو بھی گرفتار کیا ہے-

میڈیا سے خصوصی گفتگو کرتے ہوئے سابق وفاقی وزیر الٰہی کا کہنا تھا کہ انہیں میڈیا کے ذریعے ایف آئی اے کیس کا علم ہوا اور وہ ایسے تمام ”بوگس“ کیسز کا سامنا کرنے کو تیار ہیں میں ایف آئی اے کی انکوائری کا سامنا کرنے کے لیے آج ایف آئی اے کے سامنے پیش ہوں گا انہوں نے کہا تھا کہ میں آ رہا ہوں مجھے گرفتار کرو یا جو کرنا ہے کرو-

سپریم کورٹ نے معاونین حجاج کرام کے انتخاب کیخلاف لاہور ہائیکورٹ کاحکم معطل کردیا