دبئی:دبئی: کورونا کے باعث 10 ہزار پاکستانی نوکریوں سے فارغ،وزیراعظم عمران خان نے نوٹس لے لیا،اطلاعات کے مطابق کورونا وائرس کے باعث متحدہ عرب امارات میں 10 ہزار پاکستانیوں کو نوکریوں سے فارغ کردیا گیا۔
پاکستانی قونصل جنرل احمد امجد علی کے مطابق 35 ہزار پاکستانی متحدہ عرب امارات سے واپسی کے خواہش مند ہیں اور ان کی پاکستان قونصل خانے میں رجسٹریشن کردی گئی ہے۔
ادھر اسلام آباد سے ذرائع کےمطابق وزیراعظم عمران خان نے دبئی اورگردونواح کی ریاستوں سے بے روزگارہونے والے پاکستانیوں کے اس مسئلہ پرنوٹس لیتے ہوئے متعلقہ حکام سے کہا ہےکہ وہ پاکستانیوں کو مشکل وقت میں تمام ترسہولیات فراہم کرے ، ادھردبئی حکام سے بھی کہا گیا ہےکہ وہ پاکستانیوں کوبے روزگارنہ کرے اور ان کو متبادل روزگار فراہم کرے
قونصل جنرل نے بتایا کہ یو اے ای میں 10 ہزار پاکستانی کورونا وبا کے باعث نوکریوں سے فارغ کردیے گئے ہیں جن کی وطن واپسی کے انتظامات کیے جارہے ہیں، واپسی میں سیاحوں، نوکری نہ رکھنے والوں اور بزرگوں کو ترجیجی دی جائے گی۔
قونصل جنرل کے مطابق دبئی ائیرپورٹ پر مسافروں کی واپسی پر اسکرینگ کے انتظامات مکمل ہیں، پاکستانیوں کے لیے فلائٹس آپریشن کرنے کو تیار ہیں لیکن اتنی بڑی تعداد میں پاکستانیوں کی واپسی بہت بڑا چیلنج ہے۔
متحدہ عرب امارات میں اب تک کورونا وائرس کے کیسز کی تعداد 2200 سے تجاوز کرگئی ہے جب کہ 12 افراد ہلاک ہوچکے ہیں۔
