باغی ٹی وی کی رپورٹ کے مطابق پنجاب کے صوبائی دارالحکومت لاہور سمیت کئی شہروں میں موسم سرما کی پہلی بارش ہوئی ہے جس کے بعد سردی کی شدت میں اضافہ دیکھنے میں آیا ہے
پہاڑی علاقوں میں برفباری بھی شروع ہو گئی ہے سوات ، گلگت بلتستان اور کشمیر میں برفباری کا آغاز ہو گیا ہے، لاہور سمیت پنجاب کے مختلف علاقوں میں بادل برستے ہی سردی کی شدت میں اضافہ ہو گیا، اسلام آباد، گوجرانوالہ، شیخوپورہ، سرگودھا، فیصل آباد ، سمیت کئی شہروں میں کہیں ہلکی تو کہیں تیز بارش ہوئی ،لاہور میں بھی کئی علاقوں میں ہلکی اور کہیں تیز بارش ہوئی جس کے بعد لاہوریوں نے گرم کپڑے نکالے لئے
گلیات میں برفباری کا آغاز ہو گیا ہے، چلاس، گلگت بلتستان، کشمیر سمیت سوات کے سیاحتی مقامات پر موسم سرما کی پہلی برفباری ہوئی جس سے موسم انتہائی سرد ہو گیا ہے،
ماہرین موسمیات کے مطابق تمام پاکستانی تیار رہیں 18 نومبر کے بعد موسم سرما کا باقاعدہ آغاز ہونے جا رہا ہے انشاءاللہ موسم سرما میں سردی پچھلے چند سالوں کی نسبت اس سال زیادہ رہے گی رواں سال موسم سرما میں میں برفباری اور سردی کے کچھ نئے ریکارڈ قائم ہو سکتے ہیں
اس دوران شدید کورا پڑنے کے امکانات موجود ہیں، لانینا کمروز ہو رہا ہے ہماری تمام ریسرچ اور مشاہدے کے مطابق وسط دسمبر سے وسط مارچ تک ملک پاکستان میں مغربی سسٹمزز دھوم مچائے گی تیز ہواؤں کے ساتھ بارشوں کے امکانات اس دوران پہاڑوں پر شدید برف باری کے امکانات ہیں اس دوران ژالہ باری ،خطرناک موسمی حالات، آسمانی بجلی گرنے کے واقعات پیش آ سکتے ہیں
سیلاب متاثرہ علاقوں میں ایک بار پھر سے شدید بارشوں کے امکانات موجود ہیں کسان اپنے اقدامات مکمل کر لیں
