موٹروے ریپ کیس کا مرکزی ملزم گرفتار کر لیا گیا۔ ملزم کو فیص آباد کے علاقے سے گرفتار کیا گیا۔
باغی ٹی وی کے ذرائع کے مطابق مرکزی ملزم عابد ملہی کو فیصل آباد سے گرفتار کیا گیا ہے جہاں وہ اپنا روپ بدل کر چھپا ہوا تھا۔ پولیس کے ایک اعلی افسر کا کہنا ہے کہ ملزم کو گرفتار کرنے کے لیے پولیس کی ٹیمیں دن رات کام کر رہی تھیں۔
ملزم عابد ملہی کی گرفتاری کے لیے پولیس نے 4 سے 5 جگہوں پر پہلے چھاپے مارے لیکن ملزم کسی نہ کسی طرح فرار ہونے میں کامیاب ہو گیا۔ یاد رہے کہ ملزم کو ڈی این اے کی مدد سے ٹریس کیا گیا تھا جس کے بود اس کے ایک ساتھی شفقت کو پولیس نے پہلے سے گرفتار کر رکھا ہے۔ پولیس ذرائع کا کہنا ہے کہ ملزم سے مزید تفتیش کی جائے گی۔
