ایم پی اے شاہین رضا کے انتقال پر پارلیمانی سیکرٹری برائے انسانی حقوق مہندرپال سنگھ کا اظہار افسوس

ایم پی اے شاہین رضا کے انتقال پر پارلیمانی سیکٹری برائے انسانی حقوق مہندرپال سنگھ کا اظہار افسوس

باغی ٹی وی :ایم پی اے شاہین ررضا کے انتقال پر پارلیمانی سیکٹری برائے انسانی حقوق مہندرپال سنگھ نے گہرے دکھ اور افسوس کا اظہار کیا ہے . انہوں نے مرحومہ کے لیے بلندی درجات اور جنت الفردوس میں داخلے کی دعا بھی کی ہے . انا للہ وانا الیہ راجعون
واضح رہے کہ پی ٹی آئی کی گوجرانوالہ سے خاتون رکن اسمبلی شاہین رضا کرونا کی وجہ سے لاہور کے میو ہسپتال میں دم توڑ گئی ہیں ،شاہین رضا گوجرانوالہ ضلع میں خصوصی نشست پہ پی ٹی آئی کی اکلوتی ایم پی اے تھیں، وہ لاک ڈاؤن کے دوران کافی متحرک تھیں، مستحق افراد تک راشن پہنچاتی رہیں، مختلف بھٹوں پر جا کر مزدوروں میں راشن بھی تقسیم کرتی رہیں۔
ان کے انتقال پر زیراعظم عمران خان نے مرحومہ کے درجات کی بلندی کی دعا کی ہے اور لواحقین سے اظہار تعزیت کیا ہے

وزیراعلیٰ پنجاب عثمان بزدار، وزیراعلیٰ خیبر پختونخواہ محمود خان نے بھی رکن اسمبلی کی وفات پر تعزیت کا اظہار کیا ہے،وزیراعلیٰ پنجاب سردار عثمان بزدار نے کرونا سے جاں بحق رکن پنجاب اسمبلی شاہین رضا کے انتقال پر اظہار افسوس کرتے ہوئے کہا کہ شاہین رضا پارٹی کا قابل قدر اثاثہ تھیں،شاہین رضا مرحومہ کی پارٹی کے لیے خدمات کو ہمیشہ یاد رکھا جائے گا۔

ڈپٹی سپیکر قومی اسمبلی قاسم خان سوری نے بھی پاکستان تحریکِ انصاف کی ممبر صوبائی اسمبلی پنجاب شاھین رضا چیمہ کے انتقال پر افسوس کا اظہار کرتے ہوئے کہا ہے کہ اللہ تعالیٰ ان کی مغفرت فرمائے اور پسماندگان کو صبرِ جمیل عطا فرمائے، آمین