مراکشی باشندے کو فرانس چھوڑنے کا حکم

فرانس کی عدالت نے سوشل میڈیا پر نفرت آمیز مواد شیئر کرنے کے الزام میں مراکشی باشندے کو فوری ملک چھوڑنے کا حکم دیا ہے۔

تفصیلات کے مطابق فرانسیسی عدالت نے ریذیڈنٹ اجازت نامہ رکھنے والے 31 سالہ مراکشی باشندے کو فیس بک پر نفرت آمیز مواد اور ریمارکس شیئر کرنے کے الزام میں 2018 ء میں ملک چھوڑنے کے حکومتی فیصلہ کو برقرار رکھتے ہوئے فوری فرانس چھوڑنے کا حکم جاری کیا ہے.
واضح رہے کہ فرانس میں مسلم خواتین پر پردہ پر پابندی ہے وہ پبلک مقامات پر اپنا چہرہ نہیں ننگا کرنے کی پابند ہیں ورنہ ان کو سخت جرمانہ ادا کرنا ہوتا ہے
اس سے آگے بڑھ کر فرانس کی سینیٹ نے بچوں کو اسکول لانے والی ماؤں کے اسکارف پہننے پر بھی پابندی کا قانون منظور کر لیاگیا۔

فرانس کی پارلیمنٹ کے ایوان زیریں میں مسترد ہونے والے بل کو سینیٹ نے 186 ووٹوں سے پاس کیا جب کہ بل کی مخالفت میں 100 ووٹ پڑے۔ 159 اراکین نے ووٹنگ میں حصہ نہیں لیا۔

بچوں کو اسکول چھوڑنے کے لیے آنے والی خواتین کے اسکارف پر پابندی سے متعلق بل دائیں بازو کی اسلام مخالف ریپبلکنز پارٹی نے پیش کیا تھا۔