اے این ایف کی کاروائی:مختلف شہروں سے بیرون ملک منشیات اسمگلنگ کی کوشش ناکام

راولپنڈی:اینٹی نارکوٹکس( اے این ایف) نے مختلف شہروں سے بیرون ملک منشیات اسمگلنگ کی کوشش ناکام بنا دی۔

باغی ٹی وی: حکام کے مطابق اے این ایف انٹیلجنس اطلاعات تھیں کہ منشیات اسمگلر مختلف شہروں سے بیرون ملک پارسلز و غُباروں کے ذریعہ منشیات سمگلنگ کی کوشش کریں گے۔

بلوچستان سے پنجاب کو چھالیہ کی سمگلنگ کی کوشش ناکام

اطلاعات پر شاہراہ فیصل کراچی پر نجی کوریئر آفس میں آسٹریلیا بھیجے جانے والے پارسل سے 2 کلو 560 گرام آئس، اسلام آباد میں نجی کوریئر آفس میں آسٹریلیا کے لیے بُک کیے گئے پارسل سے 723 گرام آئس برآمد ہوئی-

دینہ میں واقع نجی کوریئر آفس میں لندن کے لیے بُک کئے گئے پارسل سے 390 گرام ہیروئن برآمد کرلی جو غباروں میں چھپائی گئی تھی۔

اسی طرح جی ٹی روڈ پر مریدکے کے قریب ٹرک سے 56 کلو 400 گرام چرس اور 26 کلو 400 گرام افیون برآمد کرکے خیبر کے رہائشی 2 ملزمان گرفتار کرلیے گئے۔

مُلزمان کے خلاف انسدادِ منشیات ایکٹ کے تحت مقدمات درج کرکے تفتیش شروع کر دی گئی ہے۔

ڈیرہ غازی خان : 9 جنوری سے کارپوریشن کے نادہندگان کے کاروباری مراکز اور غیر قانونی…

گزشتہ روز بلوچستان سے پنجاب کو چھالیہ کی سمگلنگ کی کوشش ناکام بنادی گئی، تھانہ کھر کی حددو میں کمانڈنٹ محمد اسد چانڈیہ نے کارروائی کرتے ہوئے بلوچستان سےپنجاب آنے والی غیر قانونی چھالیہ کی بڑی مقدار پکڑ کر اپنی تحویل میں لےلی ہےاس موقع پر کمانڈنٹ بارڈر ملٹری پولیس ڈیرہ غازی خان محمد اسد چانڈیہ کا کہنا تھا کہ چھالیہ کو قانونی پروسیس کےبعد کسٹم حکام کےحوالےکیاجائے گا سمگلر مافیا کے خلاف گھیرا تنگ کیا ہوا اور کارروائیوں کا سلسلہ تیز کردیا گیا ہے۔

پشاور میں فورسز کی کارروائی، 4 دہشت گرد ہلاک