کراچی میں آٹھ سو سے زائد اسٹریٹ کرائم کی وارداتوں میں ملوث ملزم کو گرفتار کرلیا گیا۔ ملزم زوہان نے دوران تفتیش قتل کا اعتراف بھی کرلیا ہے اور رینجرز اور پولیس نے عزیز آباد میں مشترکہ کارروائی کرتے ہوئے فیضان عرف بھوری گروپ سے تعلق رکھنے والے ملزم زوہان کو گرفتار کیا، پولیس کے مطابق ملزم سے اسلحہ، 2 موٹرسائیکل اور موبائل فونز برآمد کیے گئے۔
پولیس کا کہنا ہے کہ دوران تفتیش ملزم نے 10 افراد کے قتل کا اعتراف بھی کیا ہے، دوسری جانب لاہور کے تھانہ چوہنگ کی حدود میں فائرنگ کے نتیجے میں 4 افراد قتل کر دیے گئے جبکہ لاہور میں تھانہ چوہنگ کی حدود میں فائرنگ کا واقعہ پیش آیا ہے، جس کے نتیجے میں 4 افراد جان سے گئے جبکہ بچے سمیت 2 افراد زخمی ہوگئے۔
واضح رہے کہ میں 3 بھائی اور ایک کزن شامل ہے، مرنے والوں کی شناخت علی حسنین، غلام مصطفٰی، غلام مرتضی اور ملک خادم کے نام سے ہوئی ہے، پولیس کے مطابق مقتولین کا کسی سے کوئی جھگڑا نہیں تھا، 12سالہ لڑکا تشویشناک حالت میں اسپتال منتقل کیا گیا ہے اور ایس ایچ او کا کہنا ہے کہ فائرنگ کے بعد ملزمان موقع سے فرار ہو گئے، پولیس کی تحقیقاتی ٹیمیں موقع پر پہنچ گئیں۔
راولپنڈی پولیس کو عمران خان اور شاہ محمود قریشی سے تفتیش کی اجازت مل گئی
سابق وزیراعظم کو بیرون ملک جانے سے روکنے کی وجہ سامنے آگئی
پاکستان اسٹاک ایکسچینج میں کاروبار کا منفی دن
ادھر دوسری جانب آئی جی پنجاب ڈاکٹر عثمان انور نے لاہور کے علاقے چوہنگ میں فائرنگ کے واقعے کا نوٹس لیتے ہوئے سی سی پی او لاہور سے رپورٹ طلب کرلی ہے اور آئی جی پنجاب نے سینئر پولیس افسران کو جائے وقوعہ پر پہنچنے کا حکم دے دیا، ڈاکٹر عثمان انور نے کہا کہ ملزمان کی جلد از جلد گرفتاری کیلئے سپیشل ٹیم تشکیل دی جائے، سیف سٹی کیمروں کی مدد سے ملزمان کو جلد از جلد ٹریس کیا جائے، سینئر افسران مقتولین کے لواحقین کے ساتھ قریبی رابطہ رکھیں، انصاف کی فراہمی ترجیحی بنیادوں پر یقینی بنائی جائے۔
