سابق وزیراعظم کو بیرون ملک جانے سے روکنے کی وجہ سامنے آگئی

سابق وزیراعظم آج صبح چائنہ ائیرلائن کی پرواز نمبر CZ6008 کے ذریعے اسلام آباد سے چین جا رہے تھے تاہم شاہد خاقان عباسی کا نام اسٹاپ لسٹ میں ہونے کی وجہ سے انکو ایف آئی اے امیگریشن نے روک لیا تھا جسکے بعد سابق وزیر اعظم شاید خاقان عباسی ائیرپورٹ سے گھر روانہ ہو گئے تھے تاہم ایئرپورٹ ذرائع کا کہنا ہے کہ ایف آئی اے افسران نے اعلیٰ حکام سے رابطے کے بعد شاہد خاقان عباسی کو جانے دیا۔

یاہم یاد رہے کہ ماضی میں سندھ ہائی کورٹ نے پاکستان اسٹیٹ آئل (پی ایس او) کے منیجنگ ڈائریکٹر کی مبینہ غیر قانونی تقرری پر دائر ریفرنس میں سابق وزیراعظم اور پاکستان مسلم لیگ (ن) کے رہنما شاہد خاقان عباسی سمیت دیگر ملزمان کی عبوری ضمانت کی توثیق کی تھی جبکہ ان کے نام ایگزٹ کنٹرول لسٹ میں ڈالنے کا حکم بھی دیا تھا.