نگران وزیر اعظم انوار الحق کاکڑ مقررہ وقت پر انتخابات کروائیں ،دیانتدار ، محب وطن اور عوام کی خدمت کا جذبہ رکھنے والے وزرا ءپر مشتمل مختصر کابینہ تشکیل دیں ، شاہانہ پروٹوکول پر پابندی عائد کریں ، مہنگائی کنٹرول کریں اور عوام کے مسائل ترجیحی بنیادوں پر حل کریں ۔ اس وقت ملک نازک ترین حالات سے گزررہا ہے۔ یہ وقت سیاست نہیں ریاست بچانے آئین اور قانون کی بالادستی قائم کرنے کا ہے ۔ ان خیالات کااظہار سیاسی سماجی رہنما ڈاکٹر سبیل اکرام نے کیا ۔
انھوں نے کہا کہ پاکستانی قوم پہلے ہی دکھوں، غموں اور مہنگائی کی ماری ہے ۔ ان حالات میں نگران وزیر اعظم انوارالحق کاکڑ کا قوم پر سب سے بڑا احسان یہ ہوگا کہ وہ مختصر مگر دیانتدار افراد پر مشتمل کابینہ تشکیل دیں ۔ منتخب حکومت کے قیام تک آئین اور قانون کے تحت ملک چلائیں ، میرٹ کی بالادستی قائم کرئیں اور ماورائے آئین اقدامات سے گریز کرئیں اس لیے کہ پہلے ہی ماوارئے آئین اقدامات کی وجہ سے ملک کو ناقابل تلافی نقصان پہنچ رہا ہے ۔ہر آنے والی حکومت عوام کو ریلیف دینے کے وعدے کرتی ہے لیکن کچھ عرصہ بعد ہی اپنے سارے وعدے بھول کر عوام کا خون نچوڑنے لگ جاتی ہے اس وقت حالت یہ ہے کہ ملک میں آئین کی بالادستی کا فقدان ہے ، لوگوں کو انصاف میسر نہیں اور ہر حکمران کی کوشش ہوتی ہے کہ عوام کی رگوں سے خون کا آخری قطرہ تک نچوڑ لیا جائے ۔
انھوں نے کہا کہ نگران سیٹ اپ کی مدت میں توسیع کسی طرح بھی ملک اور قوم کے مفاد میں نہیں ہوگا اس وقت ضرورت اس امر کی ہے کہ ملک میں جلد از جلد عدل وانصاف ، اور آئین قانون کی بالادستی قائم کی جائے ۔ ہمارے حکمران اور سیاستدان سیاست پر ملک کے مفاد کو ترجیح دیں ۔ ہماری سیاست اور وزارت ملک کے دم قدم سے ہے ملک ہے تو سب کچھ ہے ۔ عوام کا باہمی اتحاد اور تمام سٹیک ہولڈرز کا ایک پیج پر ہونا اشد ضروری ہے ۔ نگران حکومت سے ہم امید رکھتے ہیں کہ وہ عوام کے مسائل حل کرنے اور ملک کو بحرانوں سے نکالنے کی بھر پور کوشش کرے گی ۔
توہین رسالت کی مجرمہ خاتون کو سزائے موت سنا دی گئی
پابندی کے بعد مذہبی جماعت کیخلاف سپریم کورٹ میں کب ہو گا ریفرنس دائر؟
ن لیگ نے گرفتار مذہبی جماعت کے سربراہ کو اہم پیغام بھجوا دیا
کالعدم جماعت کے ساتھ مذاکرات کا پہلا دور کامیاب، کس نے کیا اہم کردار ادا،شیخ رشید نے بتا دیا
پولیس افسر و اہلکاروں کو حبس بے جا میں رکھنے کے واقعے کا مقدمہ درج
