چودہ روز قبل ملتان سے پیدل چلتا ہوا شخص سرگودہا پہنچ گیا ، دردناک داستان سامنے آگئی

ذرائع کے مطابق ملتان سے پیدل سفر کرتے ہوئے درجہ چہارم کی نوکری کے حصول کی خاطر اسلام آباد میں پڑاؤ کے لئے سرگودھا پہنچنے والے جلال پور پیر والا ملتان کے چھ بچوں کے باپ سید اعجاز حسین شاہ بخاری نے “سیاسی افئیرز” کو بتایا کہ وہ دس سال سے روزگار کے حصول میں درجہ چہارم کی نوکری کی تلاش میں تھا لیکن کہیں نوکری نہ ملنے پر جب بچے بھوک سے رونے لگا تو حصول روز گار کا مطالبہ کے لئے اسلام آباد جا کر پڑاؤ ڈالنے پیدل سفر پر نکل کر شور کوٹ، جھنگ، تحصیل سائیوال سے ہوتا ہوا آج چودہ روز کا پیدل سفر کرتے ہوئے سرگودھا پہنچا ہوں۔

چیف جسٹس آف پاکستان سے درجہ چہارم کی نوکری کی امید لئے اسلام آباد کی جانب سفر پر گامزن ہوں اس نے سرگودھا پریس کلب میں کہنا تھا کہ اسلامی جمہوریہ پاکستان میں لاکھوں روز گاروں کے بچے دو وقت کی روٹی سے ترس رہے ہیں اور مجھے دس سال میں درجہ چہارم کی نوکری نہ ملنا ریاست کے حکمرانوں کےلئے لمحہ فکریہ ہے۔اس نے روتے ہوئے کہا کہ چھ بچوں کو بھوک کی وجہ سے روتے دیکھ کر دل خون کے آنسو روتا ہے اس لئے اسلام آباد پہنچ کر روزگار ملنے تک پڑاؤ کا ارادہ ہے ۔