پاکستان کے باصلاحیت اداکار و ماڈل منیب بٹ ملکی حالات سے پئش نظر اپنی بیٹی امل کے مستقبل کے لئے خوفزدہ ہیں-
باغی ٹی وی : چند روز قبل لاہورموٹروے پر خاتون کے ساتھ پیش آنے والے اجتماعی زیادتی کے خوفناک واقعے اوراس سے قبل کراچی میں 5 سال کی بچی کے ساتھ زیادتی کے بعد اسے جلا کرقتل کرنے سمیت ملک میں دیگر ہونے والے پے در پے واقعات نے عوام کو بوکھلا کر رکھ دیا ہے جہاں لوگ اور معراف شخصیات غم وغصے کا اظہار کر رہی ہیں وہیں شوبز سے تعلق رکھنے والے افراد بھی اس ظلم پر مسلسل آواز اٹھا رہے ہیں۔
کچھ ایسے ہی تشویش بھرے خیالات کا اظہار اداکارمنیب بٹ نے اپنی ننھی بیٹی امل کے لیے بھی کیا ہے-
https://www.instagram.com/p/CFBsv6SAMRQ/?igshid=168sar8auysfk
سماجی رابطے کی ویب سائٹ انسٹاگرام پر ایک نوٹ شئیر کیا جس میں ملک میں خواتین اور بچوں کے تحفظ کے حوالے سے تشویش کا اظہارکرتے ہوئےلکھا ہرروزصبح اٹھ کراپنی بیٹی کو دیکھتا ہوں محبت سے اطمینان سے بے حد چاہ سے لیکن اب اس میں بے حد خوف بھی شامل ہوگیا ہے سوچتا ہوں کیا یہ خوف ہمیشہ رہے گا؟
واضح رہے کہ حال ہی میں لاہور موٹر وے پر گوجرانوالہ کی رہائشی ثناء نامی خاتون کے ساتھ خوفناک واقعہ اس وقت پیش آیا جب لاہور موٹر وے پر اُن کی گاڑی کا پیٹرول ختم ہو گیا اس دوران ملزمان نے موقع کا فائدہ اٹھاتے ہوئے خاتون کی گاڑی کے شیشے توڑ کر انہیں گن پوائنٹ پر کھیتوں میں لے جا کر زیادتی کا نشانہ بنایا۔
