ایکسائز اینڈ ٹیکسیشن نصیر آباد کی منفرد کارکردگی ،ہر ماہ ایک کامیاب کارروائی بمعہ ایک پریس کانفرنس
باقی سارا مہینہ نیشنل ہائی وے پر ” فری اسمگل سروس” جاری
محکمے کے افسران اور اہلکار ” امیر سے امیر تر” ہوتے جا رہے ہیں
ڈیرہ مراد جمالی ( محبوب مگسی/ باغی ٹی وی )
محکمہ ایکسائز اینڈ ٹیکسیشن و نارکوٹکس نصیر آباد کی منفرد کارکردگی قابل تحسین ہے ہر ماہ ایک کامیاب کارروائی کر کے مخصوص اور محدود منشیات پکڑی جاتی ہے ملزمان حسب معمول رات کی تاریکی کا فائدہ اٹھا کر فرار ہونے میں کامیاب ہو جاتے ہیں مخصوص اور من پسند صحافی بلا کر ایک مخصوص قسم کی پریس کانفرنس کر کے فوٹو سیشن کیا جاتا ہے باقی سارا مہینہ محکمے کے افسران اور اہلکار آرام سے گزار کیتے ہیں کوئٹہ سے جیکب آباد تک نیشنل ہائی وے پر” سب اچھا” ہوتا ہے اور مبینہ طور پر ہر ممنوعہ چیز بغیر کسی رکاوٹ کے اندرون سندھ اسمگل ہو رہی ہوتی ہے شاید یہی وجہ ہے کہ محکمہ ایکسائز اینڈ نارکوٹکس و ٹیکسیشن کے افسران و اہلکار تیز رفتاری سے ” امیر سے امیر تر” ہوتے جا رہے ہیں ۔
