بالی ووڈ خانز کی مسلسل تیسرے سال بھی سلمان خان کی کوئی فلم عید پر ریلیز نہ ہوسکی شاہ رخ خان اور عامر خان عام طور پر دیوالی اور کرسمس کے مواقع پر اپنی فلمیں ریلیز کرتے ہیں خاص طور پر سلمان خان کو عید پر فلمیں ریلیز کرنے کے حوالے سے الگ ہی اہمیت حاصل ہے اور مداحوں کو عید پر ان کی فلم کا بے صبری سے انتظار رہتا ہے کیونکہ سلمان خان خصوصی طور پر عید اور خاص طور پر عیدالفطر کے موقع پر فلمیں ریلیز کرتے رہے ہیں۔
باغی ٹی وی : بھارتی میڈیا کے مطابق مسلسل تین سال سے سلمان خان کی کوئی بھی فلم عید الفطر کے موقع پر ریلیز نہ ہوسکی اور نہ ہی انہوں نے عید الاضحیٰ کے موقع پر کوئی فلم ریلیز کی اس سال بھی سلمان خان نے کوئی فلم ریلیز نہیں کی، تاہم آئندہ سال 2023 میں انہوں نے عید الفطر کے موقع پر ’کبھی عید، کبھی دیوالی‘ نامی فلم ریلیز کرنے کا اعلان کر رکھا ہے۔
شہناز گل سلمان خان کے ساتھ بالی ووڈ میں ڈیبیو کریں گی
سلمان خان کی عید الفطر پر آخری فلم ’بھارت‘ 2019 میں ریلیز ہوئی تھی، جسے عید سے کچھ دن قبل پیش کیا گیا تھااس کے بعد سال 2020 میں کورونا آنے کی وجہ سے سلمان خان کی کوئی فلم عید پر ریلیز نہ ہو سکی جبکہ 2021 میں ان کی فلمیں ’رادھے اور انتم‘ ریلیز ہوئیں مگر وہ عید کے مواقع پر پیش نہیں ہوئی تھیں۔
جب امیتابھ بچن نے گووندا کو تھپڑ مارنے کی دھمکی دی تھی
سلمان خان کی 2019 میں عید الفطر کے موقع پر بھارت جبکہ 2018 میں ریس تھری، 2017 میں ٹیوب لائٹ، 2016 میں سلطان، 2015 میں بجرنگی بھائی جان اور 2014 میں کک ریلیز ہوئی تھی 2013 میں عید الفطر کے موقع پر سلمان خان کی کوئی فلم ریلیز نہیں ہو سکی تھی مگر 2012 میں ان کی فلم ’ایک تھا ٹائیگر‘ ریلیز ہوئی تھی، 2011 میں باڈی گارڈ، 2010 میں دبنگ جبکہ 2009 میں وانٹڈ ریلیز ہوئی تھی-
https://twitter.com/taran_adarsh/status/1520237211190390784?s=20
اس سال سلمان خان نے کچھ دن قبل اپنے مداحوں کو عید کے موقع پر اجے دیوگن کی فلم ’رنوے 34‘ دیکھنے کا مشورہ دیا تھا عید الفطر کے موقع پر اجے دیوگن کے علاوہ ٹائگر شروف کی ہیروپنتی 2 بھی ریلیز ہوئی ہیں، تاہم کسی بھی خان کی فلم ریلیز نہیں ہوئی۔
