مسلم لیگ ن کے رہنما کی والدہ انتقال کر گئیں

مسلم لیگ ن کے رہنما دانیال عزیز کی والدہ انتقال کر گئیں۔ دانیال عزیز کی والدہ امریکہ میں مقیم تھیں ۔ وہ گزشتہ طویل عرصے سے علیل تھیں، دو روز قبل ان کی طبیعت زیادہ بگڑ گئی جس کے باعث دانیال عزیز امریکہ روانہ ہوگئے تھے۔

تفصیلات کے مطابق اہل خانہ کے مطابق دانیال عزیز کی والدہ کا انتقال پیر کو امریکہ میں ہوا ہے، ان کی تدفین بھی امریکہ میں ہی کی جائے گی۔ دانیال عزیز کی اہلیہ اور مسلم لیگ ن کی ایم این اے مہناز اکبر عزیز کے مطابق ان کی ساس کورونا کے مرض میں مبتلا تھیں، 10 دسمبر کو ڈاکٹرز نے جواب دے دیا تھا۔