1857 سے اب تک ہرمحاذ پرمسلمانوں نےقربانیاں دی ہیں اورکتنی قربانیاں دینی ہوں گی: پپو یادو

نئی دہلی:1857 سے اب تک ہرمحاذ پرمسلمانوں نےقربانیاں دی ہیں اورکتنی قربانیاں دینی ہوں گی: پپو یادو،اطلاعات کےمطابق شہریت ترمیمی قانون، قومی آبادی رجسٹر اور این آر سی کے خلاف قومی دارالحکومت دہلی کے شاہین باغ میں خواتین نے بھرپوراحتجاجی مظاہرے کیے ہیں‌،

ذرائع کے مطابق خواتین مظاہرین کی حوصلہ افزائی کرتے ہوئے جن ادھیکار پارٹی کے صدر اور سابق رکن پارلیمان راجیش رنجن عرف پپو یادو نے کہا کہ ‘سنہ 1857 سے اب تک ہر محاذ پر مسلمانوں نے قربانیاں دی ہیں اور مسلمانوں کو مزید کتنی قربانیاں دینی ہوں گی’۔

پپو یادو نے کہا کہ ملک کو جب جب ضرورت پڑی ہے مسلمانوں نے قربانی پیش کی ہے، انہوں نے سوالیہ لہجے میں کہا کہ آخر کب تک مسلمانوں سے قربانی لی جائے گی؟انہوں نے مزید کہا کہ شہریت ترمیمی قانون، این آر سی، این پی آر صرف مسلمانوں کے خلاف نہیں ہے بلکہ بڑی تعداد میں ہندو بھی اس کی زد میں آئیں گے۔

پپو یادو کے مطابق ‘ایس سی، ایس ٹی، بنجارہ سمیت ملک کے مختلس پسماندہ طبقات کے پاس کوئی دستاویز نہیں ہیں آخر وہ کہاں سے دستاویزات لائیں گے۔انہوں نے کہا کہ ‘یہ قانون صرف مذہبی تقریق پر ہی مبنی نہیں بلکہ آئین مخالف بھی ہے اس لیے اس کی ہر سطح پر مخالفت کی جانی چاہیے اور ملک کا ہر طبقہ اس کی مخالفت بھی کر رہا ہے۔

پپو یادو نے خوشی کا اظہار کرتے ہوئے کہا کہ ‘شاہین باغ کی خواتین نے مظاہروں کی تاریخ میں اپنا نام درج کروالیا ہے اور پورے ملک کی خواتین کو اس سے حوصلہ ملے گا کہ شاہین باغ کی خواتین نے آزادی کے حق نعرے لگائے۔ م ابق رکن سیدہ سیدین حمید وغیرہ شامل ہیں۔