نئی دہلی: شاہین باغ میں خواتین کا احتجاج جاری ۔ پولس کالاٹھی چارج جاری اوکھلا کے شاہین باغ میں کالندی کنج روڈ پر آج بائیسویں دن بھی شہریت ترمیمی قانون اور این آرسی کے خلاف خواتین کا احتجاج جاری ہے ۔ اس دوران آج شام چار بجے کے قریب پولس افسران وہاں پہنچنے کی کوشش کی اور مطالبہ کیا روڈ پر سے دھرناختم کیا جائے
ذرائع کےمطابق مسلم خواتین نے بھارتی حکومت کے ہتھکنڈوں کومسترد کرتے ہوئےکہا ہےکہ نہ تودھرنا ختم ہوگا اورنہ ہی موقف سے پیچھے ہٹیںگے تاہم عوام کہاکہ جب تک حکومت کے افراد نہیں آئیں گے اور سی اے اے کو واپس نہیں لیاجائے گا ہمارا احتجاج جاری رہے گا ۔ اس دوران کالندی کنج روڈ پر واقع ایک شورم کے مالک ناصر حسین نے بھی کچھ افراد کے ساتھ وہاں پہونچ کر ہنگامہ کیا اور کہاکہ یہ راستہ صاف کیا جائے ہمارا نقصان ہورہاہے لیکن لوگوں نے انہیں بھی وہاںسے جانے پر مجبور کردیا ۔
ذرائع کےمطابق پولس اب اپنی جگہ لوٹ چکی ہے اور خواتین کا احتجاج جاری ہے ۔ اس بیچ آج شام میں وہاں سکھوں کے ساتھ اظہار یکجہتی کرتے ہوئے پاکستان کے وزیر اعظم عمران خان کا پتلہ نذر آتش کیا جائے گا ۔ مظاہرین کا کہناہے کہ پاکستان میں ننکانہ صاحب پر حملہ شرمناک ہے اور اس موقع پر ہم اپنے سکھ بھائیوں کے ساتھ ہیں ۔آج کے پروٹیسٹ میں سکھ برادری کے عوام بھی بڑی تعداد میں شریک ہورہے ہیں ۔
