14 اگست کی رات کو چنگ چی رکشہ میں خاتون سے ہونی والی بدسلوکی کیس میں بڑی پیش رفت ہوئی ہے، متاثرہ خاتون نے جیل میں چار ملزمان کو شناخت کر لیا۔
باغی ٹی وی : تفصیلات کے مطابق متاثرہ خاتون نے بیان قلمبند کرواتے ہوئے کہا ہے کہ چاروں ملزمان نے چلتے رکشے کا پیچھا کیا اور بار بار تنگ کیا ملزم ساجد نے موٹر سائیکل سے اتر کر بدتمیزی کی۔
ذرائع کے مطابق جوڈیشل مجسٹریٹ کامران ظفر نے شناخت پریڈ کا عمل مکمل کرایا-
لاہور:رکشہ میں خاتون سے مبینہ بدسلوکی کے واقعے کا مقدمہ درج
واضح رہے کہ 14 اگست کے رواز کے واقعے کی ویڈیو حال ہی میں سوشل میڈیا پر ہوئی تھی سوشل میڈیا پروائرل ہونے والی اس ویڈیو میں دیکھا جاسکتا ہے کہ ایک شاہراہ پر نوجوان ہلڑ بازی کررہے ہیں اور اسی دوران چنگچی رکشا میں جانے والے ایک لڑکی کو نوجوان رکشے میں چڑھ زبردستی بوسہ دیکر فرار ہوتا ہے اور لڑکی ہکا بکا رہ جاتی ہے۔
اسی دوران اور نوجوان بھی چنگچی رکشہ کی جانب بڑھتے ہیں لیکن لڑکی کے ساتھ بیٹھی دوسری لڑکی چپل اتار کر اپنی طرف آنے والے نوجوانوں کو روکتی ہے-
ویڈیو وائرل ہونے کے بعد اس واقعہ کا مقدمہ مقدمہ ایس ایچ او تھانہ لاری اڈہ غلام عباس کی مدعیت میں درج کیا گیا تھا مقدمے کے متن کے مطابق 2 خواتین اور ایک بچی رکشے میں بیٹھی تھیں جب اوباش لڑکوں نے پیچھا کیا اس دوران 10 سے 12 لڑکے خواتین پر آوازیں کستے رہے۔
مقدمے کے متن میں لکھا گیا تھا کہ سفید رنگ کی شرٹ میں ملبوس لڑکا رکشے میں سوار ہوا لڑکے نے خاتون کو ہراساں کیا اور دست درازی کی اور فرار ہو گیا۔