نامعلوم موٹرسائیکل سواروں کی فائرنگ سے ایک شخض قتل

نامعلوم موٹرسائیکل سواروں کی فائرنگ سے ایک شخض قتل

راولپنڈی یکم اگست(اے پی پی)تھانہ صدر بیرونی کے علاقے گرجا روڈ پر نامعلوم موٹرسائیکل سواروں نے فائرنگ کرکے ایک شخض کو قتل کردیا،پولیس نے موقع پر پہنچ کر قتل کے شواہد اکھٹے کئے اور مقتول کی لاش بی بی ایچ ہسپتال منتقل کی ۔ ریسکیو1122ترجمان کے مطابق گرجاروڈ پر سکول کے سامنے چالیس سالہ شخص طاہر ریاض اپنی گاڑی میں بیٹھا ہوا تھا کہ اسی دوران دو نامعلوم موٹر سائیکل سوار آئے جہنوں نے فائرنگ کر دی،ریسکیو1122کی ٹیم اطلاع ملتے ہوئے موقع پر پہنچ گئی اور مقتول کو زخمی حالت میں ہسپتال لے جایا گیا جہاں وہ زخموں کی تاب نہ لاتے ہوئے چل بسا ۔ تھانہ صدر بیرونی پولیس نے نامعلوم ملزمان کے خلاف مقدمہ درج کر لیا ہے جبکہ لاش کو ورثاء کے حوالے کردیا گیا ۔