مبینہ بیٹی چھپانے کے الزام میں نااہلی کیس،نئی دستاویزات عدالت جمع

باغی ٹی وی کی رپورٹ کے مطابق عمران خان کے لئے نئی مشکل کھڑی ہو گئی، مبینہ بیٹی چھپانے کے الزام پر نااہلی کیس میں درخواست گزار مزید 12 نئی دستاویزات سامنے لے آیا

درخواست گزار نے کیلی فورنیا کی عدالت کے فیصلے کی کاپی بھی ریکارڈ کا حصہ بنانے کی عدالت میں استدعا کر دی، عمران خان کیخلاف شیرافگن نیازی اور فاروق ستار کیسز کا مکمل ریکارڈ بھی شامل ہے، دستاویزات میں عمران خان کے الیکشن کمیشن میں دیئے بیان حلفی کی کاپیاں بھی شامل ہیں،درخواست گزار کی جانب سے ضمنی الیکشن میں 7 نشستوں پر کامیابی کا گزٹ نوٹیفکیشن بھی ریکارڈ پر رکھنے کی استدعا کی گئی ہے، درخواست گزار نے 138 صفحات کی نئی درخواست عدالت میں جمع کروائی ہے جس میں دستاویزات بھی شامل ہیں،درخواست میں کہا گیا ہے کہ عمران خان نے حالیہ کاغذات نامزدگی میں بھی ٹیریان جیڈ وائٹ کا ذکر نہیں کیا

واضح رہے کہ اسلام آباد کے شہری محمد ساجد نے عمران خان کی نااہلی کی درخواست دائر کر رکھی ہے ,درخواست میں موقف اختیار کیا گیا ہے کہ عمران خان نے کاغذاات نامزدگی جمع کراتے وقت غلط معلومات فراہم کیں ،عمران خان نے بچوں کی تفصیل میں ایک بچے کی معلومات چھپائیں، عمران خان نے اپنے کاغذات نامزدگی میں اپنی بیٹی کا ذکر نہیں کیا درخواست میں استدعا کی گئی ہے کہ عدالت کاغذات نامزدگی میں جھوٹ بولنے پر عمران خان کو نااہل قرار دے، عدالت آئین کے آرٹیکل 62 ون ایف کے تحت عمران خان کو نااہل قرار دے۔

عمران خان لاپتہ، کیوں نہ نواز شریف کیخلاف مقدمے کا حکم دوں، عدالت کے ریمارکس

لاپتہ افراد کا سراغ نہ لگا تو تنخواہ بند کر دیں گے، عدالت کا اظہار برہمی

لاپتہ افراد کی عدم بازیابی، سندھ ہائیکورٹ نے اہم شخصیت کو طلب کر لیا

 لگتا ہے لاپتہ افراد کے معاملے پر پولیس والوں کو کوئی دلچسپی نہیں