نیب کراچی نے سرکاری ملازمین کی تفصیلات طلبی کا نوٹس واپس لے لیا

نیب نے کراچی، حیدرآباد میں تعینات صوبائی سرکاری ملازمین کی تفصیلات طلبی کا نوٹس واپس لے لیا، نیب نے کراچی، حیدرآباد میں سندھ کے دیگر اضلاع کے ڈومیسائل والے ملازمین کی تفصیلات طلب کی تھیں۔نیب نے گریڈ 1 سے گریڈ 22 تک کے سندھ حکومت کے ملازمین کے تفصیلات طلب کی تھیں، نیب نے مذکورہ کارروائی وزیراعظم عمران خان کے مشیر برائے احتساب شہزاد اکبر کے خط کے بعد کی تھی واضح رہے کہ شہزاد اکبر نے 12 فروری کو چیئرمین نیب کو خط لکھ کر مذکورہ معاملے کی تحقیقات کا کہا تھا۔اس متعلق ان کا موقف تھا کہ شہری کوٹہ نظر انداز کرکے دیہی علاقے والوں کو شہری علاقوں میں ملازمتیں دی جارہی ہیں۔سندھ حکومت نے 5مئی کوتمام محکموں کے سربراہان کی معلومات براہ راست نیب کو دینےکی ہدایت کی گئی تھی، عوامی سطح پر تنقید کے بعد سندھ حکومت نے تین دن بعد اپنا حکم نامہ واپس لے لیا تھا۔اس کے بعد آج نیب کراچی نے بھی باضابطہ نوٹس جاری کر کے اپنا حکم نامہ واپس لے لیا ہے۔