نیب نے شہباز شریف کو کرونا ٹیسٹ دوہرانے کا مشورہ دے دیا

نیب نے شہباز شریف کو کرونا ٹیسٹ دوہرانے کا مشورہ دے دیا

باغی ٹی وی :پاکستان مسلم لیگ ن کے صدر میاں شہباز شریف کے کورونا ٹیسٹ مثبت آنے کے بعد نیب نے شہباز شریف کو آغا خان یا شوکت خانم لیبارٹری سے ٹیسٹ دہرانے کا مشورہ دیدیا۔

سابق وزیراعلیٰ پنجاب اور قومی اسمبلی میں اپوزیشن لیڈر میاں شہباز شریف کا کورونا ٹیسٹ مثبت آ گیا تھا جس کے بعد لیگی ارکان کی طرف سے نیب پر بے معنی یلغار کی جا رہی تھی جس کے بعد نیب نے رد عمل دیا ہے۔نیب ذرائع کا کہنا ہے کہ شہباز شریف کو آغا خان یا شوکت خانم لیبارٹری سے ٹیسٹ کرانا چاہیے،

اس پر نیب نے موقف اختیار کیا کہ کورونا کیسز کی متعدد مثالیں موجود ہیں جہاں دو مختلف لیبارٹریوں کے نتائج مختلف آتے رہے:؛نیب ذرائع کا کہنا ہے کہ گزشتہ روز نیب پیشی پر شہباز شریف حفاظتی ماسک اور گلوز پہنے ہوئے تھے: پیشی سے قبل ہی نیب لاہور میں مکمل حفاظتی اقدامات بھی اختیار کئےجا چکے تھے: شہباز شریف کو ٹیبل پر شیشے کی سہولت بھی فراہم کی گئی اسکے علاوہ ہینڈ سینیٹائزر بھی فراہم کیا گیا۔

ذرائع کا کہنا ہے کہ تفتیشی حکام سماجی فاصلہ اختیار کرتے ہوئے سوال جواب کرتے رہے: ان کا راتوں رات کورونا مثبت آنے کا معمہ حل طلب بھی ہے اور وضاحت طلب بھی۔ انتہائی قریبی ن لیگی عہدیدار کورونا کے شکار لیکن الزام نیب میں گھنٹے کی پیشی پر؟۔نیب ذرائع کا کہنا ہے کہ آج شہباز شریف کی احتساب عدالت میں اہم پیشی تھی جہاں رمضان شوگر ملز کیس میں فرد جرم عائد ہونا تھی، آج کرونا مثبت آنے کی ٹائمنگ انتہائی اہم ہیں۔
واضح رہے کہ مسلم لیگ ن کے صدر شہباز شریف کا کرونا ٹیسٹ مثبت آیا جس کے بعد انہوں نے خود کو قرنطینہ کر لیا ہے، گزشتہ رات شہباز شریف کی کرونا ٹیسٹ کی رپورٹ مثبت آئی،

اس سے قبل رہے کہ ن لیگی رہنما احسن اقبال، شاہد خاقان عباسی، مریم اورنگزیب، خواجہ سلمان رفیق بھی کرونا کا شکار ہو چکے ہیں، گزشتہ روز تحریک انصاف کے رکن قومی اسمبلی ڈاکٹر رمیش کمار، فرخ حبیب، جے یو آئی (ف) کی شاہدہ اختر علی، ایم کیو ایم کے رکن قومی اسمبلی اسامہ قادری، سینیٹر ثنا جمالی کا بھی کرونا ٹیسٹ مثبت آیا تھا جس کے بعد انہوں نے خود کو قرنطینہ کر لیا