نیب نے مسلم لیگ ن اور شریف خاندان کے ایک اور رہنما کو طلب کر لیا

باغی ٹی وی کی رپورٹ کے مطابق نیب لاہورنے مسلم لیگ ن اور شریف خاندان کے ایک اور رہنما کو طلب کر لیا

مریم نواز کے ماموں زاد بھائی محسن لطیف 17 اگست کو طلب کر لئے گئے،محسن لطیف کو اوقاف کی زمین دینے کے کیس پر طلبی کے نوٹس موصول ہو گئے،شہباز شریف ، ایل ڈی اے اور اوقاف کے افسران بھی انکوائری میں شامل ہیں

مسلم لیگ نون اور شریف خاندان کے ایک اور رہنما کو نیب نے طلب کر لیا
مریم نواز کے ماموں زاد بھائی محسن لطیف کو نیب لاہور نے 17 اگست کو طلب کر لیا محسن لطیف کو اوقاف کی زمین دینے کے کیس پر طلبی کے نوٹس موصول
شہباز شریف ، ایل ڈی اے اور اوقاف کے افسران بھی اس انکوائری میں شامل ہیں pic.twitter.com/rY568bD9l5

— Muhammad Asim Naseer (@AsimNaseer81) August 12, 2020

محسن لطیف کو ضروری کاغذات کے ہمراہ نیب آفس پیش ہونے کی ہدایت کی گئی ہے

واضح رہے کہ وزیراعلیٰ پنجاب عثمان بزدار آج نیب میں پیش ہوئے تھے، گزشتہ روز مریم نواز بھی نیب میں پیش ہوئی تھیں اس موقع پر ہنگامہ آرائی ہوئی تھی جس پر ن لیگی رہنماؤں کے خلاف مقدمہ درج کر لیا گیا ہے جبکہ ن لیگ نے وزیراعظم اور چیئرمین نیب کے خلاف اندراج مقدمہ کے لئے عدالت میں درخواست دائر کر دی ہے

نیب آفس کے باہر ہنگامہ آرائی کرنے والوں کے خلاف قانونی کارروائی کے مطالبے کی قرارداد پنجاب اسمبلی میں جمع کرا دی گئی

قرارداد تحریک انصاف کی رکن پنجاب اسمبلی مسرت جمشید چیمہ کی جانب سے جمع کرائی گئی، قرارداد کے متن میں کہا گیا ہے کہ مریم نواز کی قیادت میں مسلم لیگ(ن) کے کارکنان نے11۔اگست2020 کو ان کی نیب میں پیشی کے موقع پر سوچی سمجھی سکیم کے تحت ہنگامہ آرائی کی۔ جاتی عمرہ سے لائے ہوئے پتھروں سے پولیس اہلکاروں پر پتھراؤ کیا۔

نواز شریف کا مریم نواز سے رابطہ، اہم ہدایات دے دیں،مریم سے ایک اور اہم شخصیت کا بھی رابطہ

قرارداد کے متن میں مزید کہا گیا کہ لیگی کارکنوں نے سرکاری املاک کو نقصان پہنچایا۔ مریم نواز نے دانستہ صورتحال کو کشیدہ سے کشیدہ کر کے سیاسی فائدہ حاصل کرنے کی کوشش کی۔ پنجاب پولیس نے کشیدہ صورتحال پر بااحسن و خوبی کنٹرول کیا۔

صوبائی اسمبلی پنجاب کا ایوان مطالبہ کرتا ہے کہ نیب کے دفتر کے باہر ہنگامہ آرائی کرنے والے تمام شرپسند عناصر کو قرارواقعی سزا دینے کے لئے بھرپور قانونی کارروائی کی جائے۔