اداکارہ نرگس فخری کی بہن نے سابق بوائے فرینڈ اور اس کی دوست کو زندہ جلا دیا

نیویارک: اداکارہ نرگس فخری کی بہن نے سبق بوائے فرینڈ اور اس کی دوست کے گھر کو آگ لگا دی-

باغی ٹی وی :عالیہ فخری کو نیویارک کے شہر کوئنز میں اپنے سابقہ بوائے فرینڈ اور اس کے دوست کے قتل کے الزام میں حراست میں لیا گیا ہے اور اس سے تفتیش کی جارہی ہے،43 سالہ عالیہ پر الزام ہے کہ انہوں نے ایک دو منزلہ مکان کو آگ لگائی جس کے نتیجے میں 35 سالہ ایڈورڈز جیکبز اور 33 سالہ ایناستاسیا ایڈین دھوئیں سے دم گھٹنے کے باعث ہلاک ہو گئے۔

این ڈی ٹی وی کی رپورٹ کے مطابق ڈسٹرکٹ اٹارنی نے بیان دیا کہ ایک عینی شاہد کے مطابق یہ واقعہ 2 دسمبر کی صبح نیویارک پیش آیا جب 43 سالہ عالیہ فخری 2 منزلہ گیراج کے باہر پہنچیں اور زور زور سے چیخی چلائیں کہ ‘آج تم سب کا آخری دن ہے، تم سب مرو گے، اس دوران پڑوسی شور شرابا سن کر گھروں سے باہر نکلے تو انہوں نے دیکھا کہ گھر بری طرح آگ کی لپیٹ میں تھا۔

بھارتی میڈیا کے مطابق عالیہ کا سابق بوائے فرینڈ 35 سالہایڈورڈز جیکبز اور اس کی 33 سالہ خاتون دوست ایناستاسیا ایڈین اوپر والی منزل میں سورہے تھے، آگ بجھانے کے بعد دونوں کی لاشوں کو باہر نکال لیا گیا، دونوں کی موت گھر میں دھواں بھر جانے اور جھلسنے سے ہوئی،اداکارہ کی بہن عالیہ فخری کو پولیس نے دوہرے قتل کے جُرم میں گرفتار کرلیا اور ان کے خلاف مزید قانونی کارروائی کی جائے گی-

تحقیقات کے مطابق حسد کو اس واقعے کی وجہ قرار دیا جا رہا ہے اور اگر الزامات ثابت ہو جاتے ہیں تو عالیہ فخری کو عمر قید کی سزا سنائی جا سکتی ہے کوئنز کرمنل کورٹ میں عالیہ کی ضمانت کی درخواست مسترد کر دی گئی ہے جبکہ اس کیس کی اگلی سماعت 9 دسمبر کو مقرر کی گئی ہے۔

ٹائمز آف انڈیا کی رپورٹ کے مطابق مرنے والے جیکبز کی ماں نے اپنے بیان میں بتایا کہ عالیہ جیکبز سے دوبارہ اپنے تعلقات بحال کرنا چاہتی تھی لیکن جیکبز اس کے لیے رضامند نہیں تھا ان کا بیٹا اب ایڈین کے ساتھ تھا اور وہ دونوں خوش تھے، عالیہ نے یہ انتہائی قدم جلن اور حسد میں اٹھایا۔

نرگس فخری کی والدہ نے اس معاملے پر تبصرہ کرتے ہوئے کہا کہ عالیہ کسی کو نقصان پہنچانے کی سوچ بھی نہیں سکتی وہ ایک مددگار اور دوسروں کا خیال رکھنے والی شخصیت تھیں،مذکورہ معاملے پر نرگس فخری کا کوئی بیان تاحال سامنے نہیں آیا ہے نہ ہی اداکارہ اس موقع پر اپنے خاندان کے پاس موجود ہیں۔