نیتن یاھو فلسطینی اراضی کی قیمت پرانتخابات جیتنا چاہتے ہیں، ترکی

ترکی کے وزیرخارجہ مولود جاووش اوگلو نے اسرائیلی وزیراعظم نیتن یاھو کے اس بیان کی شدید الفاظ میں مذمت کی ہے جس میں انہوں نے مقبوضہ مغربی کنارے کی وادی اردن کو اسرائیل میں ضم کرنے کا اعلان کیا ہے۔ان کا کہنا تھا کہ وہ غرب اردن کی فلسطینی اراضی کی قیمت پر انتخابات جیتنا چاہتے ہیں۔

انتخابات سے قبل اسرائیلی بیان ”گھناﺅنا کھیل“، ترکی

اوگلو نے جدہ میں اسلامی تعاون تنظیم ‘او آئی سی’ کے وزراءخارجہ کے ہنگامی اجلاس سے خطاب کرتے ہوئے کہا کہ وادی اردن کو اسرائیل میں ضم کرنے کا وعدہ کسی بھی صورت میں قابل قبول نہیں۔ اسرائیل کی اس طرح کی تمام کوششیں غیرآئینی ،ناقابل قبول ہیں اور حقائق کو تبدیل کرتے ہوئے مرضی کا اسٹیٹس کو مسلط کرنے کی کوشش ہے۔

وزیرخارجہ نے عالمی برادری پر زور دیا کہ وہ اسرائیل کی طرف سے عالمی قوانین کی توہین پر مبنی اقدامات کا سختی سے نوٹس لے۔

یاد رہے کہ اسرائیلی وزیراعظم بنجمن نیتن یاھو نے حال ہی میں ایک انتخابی جلسے سے خطاب میں کہا تھا کہ وہ 17ستمبر کو ہونے والے عام انتخابات میں کامیابی کے بعد وادی اردن اور شمالی بحر مردار کے علاقے کو اسرائیل میں ضم کردیں گے۔ ان کے اس بیان پر عالم اسلام کی طرف سے شدید رد عمل سامنے آیا ہے۔