پاکستان ڈرامہ انڈسٹری کے سینئر اور لیجنڈ اداکار نعمان اعجاز کو اپنے بچپن کے خوبصورت دن یاد آنے لگے۔
باغی ٹی وی :سماجی رابطے کی ویب سائٹ انسٹاگرام پر نعمان اعجاز اکثر دلچسپ اور معنی خیز پوسٹس شئیر کرتے رہتے ہیں جنہیں =صارفین کی جانب سے بہت سراہا جاتا ہے۔تاہم اکثر سوشل میڈیا پر دلچسپ پوسٹس شیئر کر کے مداحوں کے جیتنے والے اداکار نعمان اعجاز نے اس بار اپنے تصدیق شدہ انسٹاگرام اکاؤنٹ پر اپنے کسی ڈرامے کے ایک منظر کی تصویر شیئر کی ہے۔
مذکورہ تصویر میں نعمان اعجاز کی آنکھوں غصہ دِکھائی دے رہا ہے جبکہ سیاہ رنگ کے لباس میں ملبوس ہیں۔
نعمان اعجاز نے تصویر شیئر کرتے ہوئے کیپشن میں لکھا کہ بچپن بھی کتنا اچھا تھا۔
اداکار نے لکھا کہ اُس وقت پیسہ کم تھا لیکن پھر بھی بچپن میں دم تھا۔
اُنہوں نے بچپن کے یادگار اورحسین دنوں کی یاد میں خواہش ظاہر کرتے ہوئے لکھا کہ کاش! وہ دن دوبارہ سے واپس لوٹ آئیں۔
اس سے قبل بھی نعمان اعجاز نے انسٹاگرام پر ایک معنی خیز پیغام جاری کرتے ہوئے کہا تھا کہ یہ دُنیا ہے جناب، ماں نہیں جو ہر وقت آپ کو پیار دے۔‘
اُنہوں نے کہا تھا کہ انسان کی زندگی میں اُس کی تعریف کیجیے اور اُس کے کام کو سراہایے کیونکہ مرنے کے بعد انسان اپنی تعریف نہیں سُن سکتا ہے۔
یہ دُنیا ہے جناب، ماں نہیں جو ہر وقت آپ کو پیار دے نعمان اعجاز
