پاکستان شوبز انڈسٹری کی معروف اداکارہ نوین وقار نے اپنی فٹنس کا راز بتادیا
باغی ٹی وی :پاکستان شوبز انڈسٹری کی معروف اداکارہ نوین وقار نے اپنی فٹنس کا راز بتادیا سوشل میڈیا سائٹ انسٹاگرام پر نوین نے ایک پوسٹ ان تمام صارفین کے نام کی ہے جو نوین سے آئے روز فٹنس کا راز معلوم کرنے کے لئے ڈائریکٹ میسج کرتے تھے
نوین نے اپنی تفصیلی پوسٹ میں لکھا کہ مجھ سے میری فٹنس کا راز پوچھنے والوں کی تعداد دن بہ دن بڑھتی جارہی ہے اور آپ سب کے سوالوں نے ہی مجھے اپنا شیڈول شیئر کرنے پر مجبور کیا ہے
https://www.instagram.com/p/B8_HSMlhU4p/?igshid=128hqg1h6tpt8
انہوں نے لکھا کہ ورک آؤٹ یعنی ورزش کے لیے سب کی اپنی اپنی ضرورت ہوتی ہے میں اپنے جسم میں چربی کی سطح کو کم کرنے کے لیے ورک آؤٹ کا سہارا لیتی ہوں
انہوں نے لکھا کہ میں بہت زیادہ کھاتی ہوں اور سب انسٹاگرام اسٹوریز پر شیئر بھی کرتی ہوں
نوین نے بتایا کہ وہ زیادہ کھاتی ہیں مگر توازن سے کھاتی ہیں کیلوریز کا حساب بھی رکھتی ہیں جنک فوڈ اور میٹھا ان کی کمزوری ہے جو وہ اپنے جم کی وجہ سے کھا نہیں سکتیں۔چاول، مرغی، مچھلی اور انڈہ ان کی خوراک میں شامل ہے انہوں نے کہا وہ شوگر فری اشیاء استعمال کرتی ہیں اور رات کے بعد سب سے اچھا ناشتہ جو ہیں
نوین کا کہنا تھا کہ جب بھی کوئی لڑکی انہیں یہ کہتی ہے کہ انہیں میرا جم یا میرا لائف اسٹائل متاثر کرتا ہے تو یہ میرے لیے ایک ستائشی جملہ ہوتا ہے انہوں نے اپنے ٹرینرز کا بھی شکریہ ادا کیا
نوین پاکستان ٹی وی انڈسٹری کے متعدد ڈراموں میں اداکاری کے جوہر دکھاچکی ہیں، جن میں بے وفا ، ہمسفر ، الوداع، بے انتہا، کچھ نہ کہو، تجدید وفا، عینی کی آئے گی بارات، مول، ماہ تمام، میرا یقین اور دیگر شامل ہیں
