سیکرٹری جنرل پیپلز پارٹی نیر بخاری نے میڈیا سے گفتگو کرتے ہوئےکہا کہ پیپلزپارٹی نے اسٹیبلشمینٹ سے ڈیل سے متعلق تاثرات کو مسترد کردیا، پیپلزپارٹی نے پی ڈی ایم میں دراڑوں اور اختلافات کا تاثر بھی مسترد کردیا، اسٹیبلشمینٹ سے کوئی ڈیل نہیں ہوئی، ڈیل ہوتی تو کیا یوسف رضا گیلانی ہار جاتے؟
سیکرٹری جنرل پیپلز پارٹی نیر بخاری نے مزید کہا کہ پی ڈی ایم استعفوں کی بات پر پیپلزپارٹی کے سوالات کے جواب نہیں دے سکی،پیپلزپارٹی نے سوال کیا کہ استعفوں کے بعد کی حکمت عملی کیا ہوگی جس کا جواب نہیں ملا، مطمئن نہیں کیا جا سکا کہ استعفوں کے بعد کیا ہوگا، پی ڈی ایم میٹنگ کے بعد پیپلزپارٹی پر ملبہ گرانا درست بات نہیں، پیپلزپارٹی بیس ستمبر کو ہونے والے معاہدے پر قائم ہے،معاہدے کے مطابق لانگ مارچ، عدم اعتماد اور سب سے آخری آپشن استعفوں کا تھا،
پی ڈی ایم قائم اور پیپلزپارٹی اس کا حصہ ہے،آصف زرداری اور مریم نواز کے درمیان کوئی تلخ کلامی نہیں ہوئی، نیر بخاریپیپلزپارٹی جلد ہی سی ای سی کا اجلاس بلاکر استعفوں سے متعلق اپنی رائے دے گی،پی ڈی ایم کا متفقہ معاہدہ اب بھی موجود ہے،لانگ مارچ کے ساتھ استعفے دینے کا معاہدہ نہیں تھا، لانگ مارچ کے ساتھ استعفوں کی بات اضافی بات ہے،
