![singer](https://baaghitv.com/wp-content/uploads/2023/09/سینگعر-843x613.jpg)
پنجاب یونیورسٹی سے میوزیکالوجی میں ایم اے ڈگری ہولڈر اور نامور گائیکوں استاد بدرالزماں اور اسرار چستی سے کلاسیکی موسیقی کے باقاعدہ تربیت یافتہ نوجوان گلوکار عثمان اقبال کا نیا گیت ”تو روشنی“ ریلیز کردیا گیا ہے۔ عثمان اقبال پروڈکشنز کے پلیٹ فارم سے ریلیز کیا گیا یہ گیت پیار کرنے والے نوجوان کے رومانوی جذبات کی عکاسی کرتا ہے جسے عثمان نے خود ہی تحریر و کمپوز کیا ہے، گیت کی ویڈیو میں عثمان اقبال بطور سنگر و پرفارمر جلوہ گر ہوئے ہیں جسے شائقین کی طرف سے خوب پذیرائی مل رہی ہے۔ عثمان اقبال نے جامعہ پنجاب سے میوزک کی باقاعدہ تعلیم حاصل کر رکھی ہے انہیں گیت، غزل، ملی نغمہ اور خیال گائیکی کی دیگر اصناف پر عبور حاصل ہے،
عثمان اقبال نے اپنا ویڈیو گیت ریلیز ہونے پر اپنے اساتذہ ارشد، سجاد طافو، طلحہ لیاقت، اپنی ٹیم ممبران شگفتہ، محمد اقبال،انعم، سدرہ، افشاں،زینہ، نوید اور فہد کا شکریہ ادا کیا ہے۔ عثمان اقبال نے گفتگو کرتے ہوئے کہاکہ جن نوجوان گلوکاروں کو سالوں کی محنت کے باوجود مناسب لانچ نہیں مل رہا انہیں ڈیجیٹل میڈیا کی طرف آنا چائیے۔ ”ڈیجیٹیل میڈیا کے ذریعے نہ صرف پوری دنیا کے سامنے آپ کے ٹیلنٹ آجاتا ہے بلکہ ساتھ ہی ساتھ اسکے قدر دان بھی میسر آجاتے ہیں۔” عثمان اقبال نے کہاکہ وہ اپنے پروڈکشن پلیٹ فارم سے نئے گیتوں کی تیاری کے ساتھ ساتھ نئے ٹیلنٹ کو پروموٹ کرنے کیلئے اپنا کردار ادا کرتے رہیں گے۔